Բացառիկ հարցազրույց. Սուպեր Սաքոն ապացուցում է , որ «Մի գնա» երգի հեղինակային բոլոր իրավունքներն իրենն են

Slaq.am-ը գրում է.

Օրերս համացանցը հեղեղվեց Սպիտակցի Հայկոյի մեղադրական խոսքով ու զայրույթով՝ կապված «Մի գնա» երգի հետ : Ըստ էության Հայկոն պատրաստվում է վերցնել երգի հեղինակային իրավունքը քանի որ , իր իսկ խոսքով, այն արդեն համաշխարհային մասշտաբի թեմա է դարձել : Թե իրականում ինչպես է վերաբերվում այս խնդրին

Սուպեր Սաքոն կամ ի՞նչ է մտածում, դժվարությամբ կապ հաստատելով այնուամենայնիվ՝ փորձեցինք զրուցել Սուպեր Սաքոյի հետ.

- Կապված ձեր զուգերգի հետ՝ Հայկոն մեղադրական խոսքեր է հնչեցրել. որքանո՞վ է այն տեղին կամ՝ արդարացված.

- Ո՛չ , այդպես չէ : « Մի գնա » երգը իմ երգն է , ես Հայկոյին հրավիրել եմ , որ երգը կատարենք միասին , քանի որ համարում եմ , որ նա տվյալ ժանրում լավագույններից մեկն է :

- Ինչպե՞ս է ծնվել այդ երգի պատմությունը .

- Երգահան Արտակ Արամյանը 2015թ.- ի ապրիլին էլեկտրոնային հասցեով ինձ ուղարկեց այդ երգը , ես հավանեցի , որից հետո արդեն Երևանում հանդիպեցի երգահանի հետ ու ինձ տրվեց երգի բոլոր իրավունքները :
Որոշ ժամանակ անց ԱՄՆ -ում պատահաբար հանդիպեցի Հայկոյին , ով ինձ խնդրեց ասելով հետևյալը . «Թաթուլի «Նա նա նա» - ի նման երգ արի ձայնագրենք , որ մեծ բում առաջացնի» , ու եկանք համաձայնության , որ «Մի գնա» - ն ինքը կատարի : Ես գոհ եմ , չեմ թաքցնի , որ երգի հաջողության համար շնորհակալ եմ Հայկոյին , Ինչպես նաև՝ գործիքավորող Արայիկ MG Մուրադյանին. թիմային փայլուն աշխատանքի արդյունքում երգը դարձավ միլիոնավոր մարդկանց համար հիթ : 57 երկրում ամիսներ շարունակ ռադիոներում ու երաժշտական հաղորդումներում եղել է առաջին հորիզոնականում , ավելին ասեմ , այդ երգի մեջ իմ կողմից հնչում է Մարոկո4 անունը բոլորովին անսպասելի Մարոկոյի թագավորը ինձ հրավիրեց այնտեղ, գովասանքի ու շնորհակալության խոսքեր ասելու :

- Ի՞նչպես ստացվեց ֆրանսիացի ռեփեր Maitre Gims -ի հետ համագործակցությունը :

- Քանի որ արդեն բազմաթիվ երկրներում տարածվել էր երգը ու երգում էին իրենց մայրենի լեզուներով , ֆրանսիացի ռեփերը կապվեց ինձ հետ և ասաց , որ ցանկանում է համագործակցել : Տեսահոլովակ նկարահանելու առաջարկն իր կողմից է եղել, ընդ որում ֆինանսական ահռելի ծախսերը ինքն է արել : Պատկերացրեք միայն ինչ գումարների մասին է խոսքը , որպեսզի նկարահանման համար մի քանի ժամով փակեն փողոցը և այն պահպանեն ոստիկաններով՝ մուտք չունենալու համար :
Աշխատանքի ընթացքում առաջացավ հետևյալ խնդիրը ռեփերը չէր ցանկանում , որ հայերեն լեզվով հնչող հատվածը լիներ , սակայն ես պնդեցի , որ իմ կողմից պարտադիր պայման է , որպեսզի հնչեր հայերենը Հայկոյի կատարմամբ ու գրվեր նրա անունը, ինչին էլ նրանք համաձայնեցին : Maitre Gims - ը սկզբում ցանկանում էր , որ տեսահոլովակը նկարահանվեր երկու ռեփերի կատարմամբ :

- Խոսենք երգի ունեցած ֆինանսական հաջողության մասին : Դուք Հայկոյին բավականաչափ վճարե՞լ եք.

- Անցյալ տարի ինձ հետ երգելու համար Հայկոյին վճարել եմ , որից հետո առանձին վճարել եմ , երբ երգի կատարման թույլտվությունը վաճառեցի ֆրանսիացի ռեփերին , նաև հոնարար եմ տվել՝ դեկտեմբերի 6-ին ԱՄՆ - ում կայացած իմ մենահամերգին զուգերգը կատարելու համար : Նշեմ նաև , որ այդ երգը նախատեսված չէր տեսահոլովակ ունենալու համար , այն իմ նոր ձայնասկավառակի հերթական երգերից մեկն էր , բայց քանի որ ֆրանսիացի երգիչը առաջարկեց , որ ինքն է հոգալու ֆինանսական ողջ ծախսերը , այս դեպքում ես հրավիրված երգիչ էի ու սիրով համաձայնեցի : Մինչև հիմա բազմաթիվ նամակներ եմ ստանում օտար հողում ծնված երիտասարդ հայերից , որոնց ծնողների մի կողմն է ազգությամբ հայ ինձ շնորհակալություն են հայտնում , որ անգլալեզու ռեփի հետ նաև մայրենի լեզուն է հնչում :

Ռեփերի՝ Սուպեր Սաքոյի հետ զրույցից հետո մեզ հետաքրքրեց լսել նաև՝ երգահան Արտակ Արամյանին.

- Արտակ, ճիշտ պատկերացում ունենալու համար ի՞նչ մանրամասներ կպատմեք վիճահարույց «Մի գնա» երգի հետ կապված

- Այդ երգը ես եմ գրել 2011թ- ին, երկար ժանանակ տարբեր կերպ փնտրում էի Սուպեր Սաքոյին ու ինչ-ինչ պատճառներով չէր ստացվում նրա հետ շփվել , այդ պատճառով 2013թ- ին ես երգեցի ու այդ կատարումը հիմա էլ կա համացանցում : Տարիներ հետո վերջապես հանդիպեցի Սաքոյին ու երգը գտավ իր տիրոջը : Ես երգը գրելուց արդեն իսկ պատկերացնում էի, որ նրան եմ տալու բոլոր իրավունքները և ինքը կորոշի երգի հետ կապված հետագա ընթացքը : Հիմա էլ հաստատում եմ , որ երբ մենք հանդիպեցինք ես իմ «Մի գնա» երգի բոլոր հեղինակային իրավունքները հանձնել եմ Սուպեր Սաքոյին :

Զրույցը վարեց Լուսինե Արշակյանը

Այս թեմայով «Մերժիր Սերժի Ժիլետին». Կարգին Հայկո / տեսանյութ «Աստված ում շատ է սիրում, շուտ է տանում». Արսինե Նավասարդյանը՝ «Սուպեր մամա»-ում նկարահանվելիս ողբերգություն ապրելու մասին Հայկոն անկեղծացել է ելույթի ժամանակ․ տեսանյութ Հայկոյի մենահամերգի հետաքրքիր պահերը՝ լուսանկարներով «Սուպեր մամա 2»-ը ապօրինի տարածողին գտել են (տեսանյութ)