Շինանյութի Սերգեյի առևանգված որդուն բաց են թողել. մանրամասներ

Ինչպես հայտնի է` անցած տարվա նոյեմբերի 12-ից անհետ կորած էին գործարար Սերգեյ Մանուկյանի` շինանյութի Սերգեյի որդին ու աներորդին` Արմանն ու Սամվելը: ArmLur.am-ի` տեղեկություններով` երիտասարդներին առևանգել էին Ուկրաինայում նրանց առանձնատան բակից: Ըստ նույն տվյալների` երկու անծանոթ մարդիկ, զենքի սպառնալիքով, ավտոմեքենայով նրանց տարել էին անհայտ ուղղությամբ: Եվ ավելի քան երեք ամիս անց` այսօր հայտնի դարձավ, որ առևանգված երիտասարդներն այլևս ազատության մեջ են. նրանց հայտնաբերել և տեղափոխել են տուն: ArmLur.am-ին հայտնի դարձավ, որ նրանց որոնողական աշխատանքներով զբաղվում էին թե տեղի, թե միջազգային իրավապահ մարմինները: Իսկ հայտնաբերման մասին լուրն այսօր հաղորդեց Ուկրաինայում Հայաստանի արտակարգ և լիազոր դեսպան Անդրանիկ Մանուկյանը: Նշենք, որ մինչ օրս հայտնի չէ` որն էր առևանգման նպատակը` գլխագինը, փրկագինը, թեգուցե Սերգեյ Մանուկյանի գործունեության հետ էր կապված: ArmLur.am-ին դեռևս չհաջողվեց պարզել` փրկագին տրվել է, թե ոչ: Այս մասին տեղեկություններ կհաղորդենք ավելի ուշ:

Այս թեմայով «Սենց գոհ ու երջանիկ թշերդ ուռցնես, ասես` ես միակն ե՞մ». Սերգեյ Դանիելյան Գագիկ Մուրդյանը կալանավորվեց․ տեսանյութ «Գողացել են իմ երեխայի հացը». Սերգեյ Դանիելյանը դատի է տվել ԴԱՀԿ-ին Անչափահաս աղջկան առևանգել են և փորձել բռնաբարել. մանրամասներ Մարդու առևանգում. հետախուզվողը ձերբակալվեց | ՏԵՍԱՆՅՈՒԹ