Տեսախցիկները Երևանում գողություն են ֆիքսել. տեսանյութ

ՀՀ քննչական կոմիտեի Երեւան քաղաքի քննչական վարչության Կենտրոն եւ Նորք-Մարաշ վարչական շրջանների քննչական բաժնում քննվող քրեական գործով միջոցներ են ձեռնարկվում` պարզելու քաղաքացու՝ փողոցում կայանված հեծանիվը հափշտակած անձի ինքնությունը:

ՀՀ Քննչական կոմիտեից NEWS.am-ին հայտնում են, որ նախնական տվյալներով՝ 2017թ. դեկտեմբերի 1-ին՝ ժամը 23:30-ից դեկտեմբերի 2-ը՝ ժամը 01:20-ն ընկած ժամանակահատվածում, ենթադրյալ հանցագործություն կատարած անձը հափշտակել է Երեւանի կենտրոնական փողոցներից մեկում կայանված` քաղաքացուն պատկանող «Ցենտուրիոն» մակնիշի հեծանիվը:

Դեպքի առթիվ հարուցվել է քրեական գործ՝ ՀՀ քրեական օրենսգրքի 177-րդ հոդվածի 1-ին մասով, որով նախաքննությունն իրականացվում է Երեւան քաղաքի քննչական վարչության Կենտրոն եւ Նորք-Մարաշ վարչական շրջանների քննչական բաժնում:

Նախաքննության ընթացքում ստացվել են դեպքի վայրի մոտակայքում տեղակայված անվտանգության տեսախցիկների՝ տվյալ օրվա տեսագրությունները, ենթարկվել զննության: Տեսանյութի մեջ երեւում է, թե ինչպես է մի կիսաճաղատ տղամարդ մոտենում կայանված հեծանիվին, վերցնում այն եւ հեռանում:

Քրեական գործով բազմակողմանի, օբյեկտիվ եւ լրիվ քննությունն ապահովելու նպատակով միջոցներ են ձեռնարկվում՝ տեսանյութում պատկերված տղամարդուն հայտնաբերելու ուղղությամբ։

Խնդրում ենք նշված անձին ներկայանալ վարույթն իրականացնող մարմնին կամ ովքեր ճանաչում են նրան, որեւէ տեղեկություն ունեն նրա ինքնության կամ գտնվելու վայրի մասին, հայտնեն ՀՀ քննչական կոմիտեի Երեւան քաղաքի քննչական վարչության Կենտրոն եւ Նորք-Մարաշ վարչական շրջանների քննչական բաժին:

Այս թեմայով Ուշադրություն. ովքեր ճանաչում են այս անձին, խնդրում ենք հայտնել Քննչական կոմիտե Հեծանիվ վարող 33-ամյա աղջկան Երևանում մեքենայի տակ են գցել Փողով սեքս անելու համար տղաները եկել են իր տուն. ահազանգ ոստիկանությունում ՈՒՇԱԴՐՈՒԹՅՈՒՆ․ տղամարդուն ճանաչողներին խնդրում ենք հայտնել Քննչական կոմիտե․ Տեսանյութ Հեծանվորդները մերկ ակցիա են իրականացրել՝ ընդդեմ ագրեսիվ վարորդների / լուսանկարներ չափահասների համար