Աուրովիլ. քաղաք, որտեղ մարդիկ տարանջատված չեն կրոնով, քաղաքականությամբ ու ազգային հարցերով / լուսանկարներ, տեսանյութ

EnterTrain-ը ներկայացնում է Աուրովիլը կամ «լուսաբացի քաղաքը»՝ միջազգային քաղաք Հնդկաստանի հարավում, որը զարգանում է ՅՈՒՆԵՍԿՕ-ի հովանու ներքո: Գտնվում է Տամիլնադ նահանգում: Քաղաքի հիմնադիրների հայտարարությամբ՝ այն պետք է քաղաքականությունից և կրոնական նախընտրություններից դուրս ապրող մարդկանց միջազգային հանրության ստեղծման փորձ դառնա:

Աուրովիլի սրտում գտնվում է Մատրիմանդիրը՝ «Մոր տաճարը», որը խորհրդանշում է կենսակերպը, որը կոչված է մարդկանց ազատելու նրանց սահմանափակումներից՝ քաղաքական, ֆինանսական և սոցիալական:

Մատրիմանդիրում բնակիչները միասին են հավաքվում և մեդիատացիա են անում:

Քաղաքը կառուցված է 50 000 մարդու բնակության համար: Հիմա մշտական բնակիչները 2 000 են: Մեծ մասը Հնդկաստանից գնացածներ են, բայց կան նաև մարդիկ Ֆրանսիայից, Գերմանիայից, Իսրայելից, Ամերիկայից, Ռուսաստանից և շատ այլ երկրներից: Քաղաքն աշխատոմ է ինքն իրեն ապահովել. կան դաշտեր, գործարաններ, հացատներ, ճաշարան, որոնք արևային մարտկոցներով են աշխատում, դպրոցներ, կինոթատրոններ, երաժշտական դպրոց, նույնիսկ տեղական թերթի խմբագրություն:

Բոլոր կարևոր որոշումները քաղաքում ընդունում են հատուկ հետազոտական խմբեր, դրանք հաստատվում են ընդհանուր քվեարկությամբ: Քաղաքապետ կամ ուրիշ միասնական կառավարող մարմին չկա:

Աուրովիլի բնակիչ յուրաքանչյուրը կարող է դառնալ: Փորձաշրջանը նորեկների համար կարող է մեկ տարի տևել, որի վերջում քաղաքացիները կարող են հրաժարվել ընդունել նրան: Քաղաք տեղափոխվելու համար պետք է ինքներդ տուն գնեք, որտեղ կապրեք: Այն կմնա ձեր սեփականությունն ամբողջ ընթացքում, երբ այնտեղ կապրեք:

Աուրովիլում բոլոր ապրողները մոտ 90 եվրո ամսեկան են ստանում:

Մեքենաներ քաղաքում չկան՝ բացի տաքսիներից, որոնք մարդկանց տեղ են հասցնում «արտաքին աշխարհից»: Մարդիկ մոպեդներով են տեղաշարժվում: Տեղի բնակիչները շատ բաց և հանգիստ են: