«Խոզի միս չկա՝ սխտոր կերեք. գիտեք ինչ օգտակար է». Նիկոլ Փաշինյանը հեգնեց իշխանություններին. ՏԵՍԱՆՅՈՒԹ

ԱԺ-ում մեկնարկել են «Առանձին ապրանքատեսակների գների բարձրացման պատճառները և գնաճը մեղմելու հնարավորությունները» թեմայով խորհրդարանական լսումները:

«Ինչպե՞ս է ԱՎԾ-ն եկել այն եզրակացության, որ գնաճը ընդամենը 2,6 տոկոս է: Կարագի 41 տոկոս թանկացմանը հակակշռում է խառը կանաչու 48 տոկոս էժանացումը»,- գնաճի փիլիսոփայությունը ներկայացրեց «Ելք» խմբակցության ղեկավար Նիկոլ Փաշինյանը:

Փաշինյանը արձագանքելով ԿԲ նախագահի խոսքին՝ ասաց. «Գիտությունը պարզել է, որ խառը կանաչին էլ է օգտակար, գիտեք ինչ վիտամիններ կան մեջը: Գառան միսը թանկացել է, կանաչ սոխ կերեք՝ գիտեք ինչ օգտակար է: Կամ՝ խոզի միսը թանկացել է, սխտոր կերեք, ի՞նչ եք խառնվել իրար, այ ձեր ցավը տանեմ: Բենզինը թանկացել է՝ բրթեք ձեր ավտոն. մենք էն օրը ցույց տվեցինք»:

Նրա խոսքով՝ եթե կարագը թանկացել է, բա ինչո՞ւ մեր գյուղացիներից մթերվող կաթը չի թանկացել. «Իմիջիայլոց, կարագը ստանում են կաթից. դա էլ է գիտությունը վերջերս պարզել»:

«Փակեք լսումները, կանգնացրեք, իջնենք գնանք»,- առաջարկեց նա՝ հավելելով, որ իշխանությունների չափանիշն այն է, թե մարդ մեռե՞լ է, թե՞ ոչ:

Եվ «քանի որ կյանքը ուրախ է, ապրուստը՝ ձրի», «Ելք» խմբակցությունը կոչ արեց փետրվարի 5-ին, ժամը 18.00-ին հավաքվել «Մոսկվա» կինոթատրոնի մոտ:

Այս թեմայով Կարագն էլի թանկացավ. որ ապրանքներն են էժանացել Ազգային անվտանգության դեկորատիվ սպառնալիքը Թանկացումների հարցը ԱԺ-ում է. ուղիղ միացում Սերժ Սարգսյանի մոտ քննարկել է թանկացումների հարցը Ո՞ր ապրանքներն են էժանացել Հայաստանում