Ռոնալդուն ծաղրի առարկա է դարձել

«Դեպորտիվո Լա-Կորունյա» թիմի հետ խաղի ժամանակ Քրիշտիանու Ռոնալդուն վնասվածք էր ստացել . մրցակիցը ոտքով անզգուշաբար դիպել էր նրա գլխին: Օգնության շտապած բժիշկներից Ռոնալդուն առաջին հերթին հեռախոս էր խնդրել ու այն որպես հայելի օգտագործելով՝ փորձել էր հասկանալ, թե որքանով է վնասվել դեմքը:

Տեսնելով, որ այն արնոտվել է, Ռոնալդուն անհանգստացած տարուբերել էր գլուխը: Նրա այս ժեստն էլ պատճառ էր դարձել, որպեսզի երկրպագուներից շատերը ֆուտբոլիստին ծաղրեն՝ առողջության փոխարեն առաջին հերթին արտաքին տեսքով մտահոգվելու համար:

Ռոնալդուի հետ կատարվածի տեսագրությունը հայտնվել էր սոցցանցում, և շատ երկրպագուներ հումորային վերնագրեր էին առաջարկել հոլովակի համար. «Երբ քո թիմը հաղթում է 7:1 հաշվով, բայց խաղից հետո արված սելֆին անհաջող է ստացվում», «Երբ քեզ ծեծում են, բայց առաջին հերթին ճշտում ես՝ չի՞ խառնվել արդյոք սանրվածքդ», «Լուսանկար՝ Instagram-ի համար», «Նարցիս» և այլն:

Այս թեմայով Նորություններ Մխիթարյանի առողջական վիճակից Ռոնալդուն առաջին անգամ կարող է պահեստայինների նստարանին մնալ «Ժամանակն է, որ միջազգային հանրությունը ճանաչի մարդկության դեմ այս հանցագործությունը». Հենրիխ Մխիթարյան Մխիթարյանը հայտարարություն է տարածել Բերեզովսկին վերադառնում է. հայտնի է, թե ովքեր կօգնեն Մինասյանին