ԻՆՉՈՎ ԿՏԱՐԲԵՐՎԻ «ՄԻՍՍ ՀԱՅՈՒՀԻ»-Ն «ՄԻՍՍ ԱՐՄԵՆԻԱ»-ԻՑ» (տեսանյութ, լուսանկարներ)

«Հունիսի սկզբին Հայաստանում տեղի կունենա «Միսս Հայուհի» 2018 գեղեցկության մրցույթը»,- Wnews.am-ի հետ զրույցում ասաց ազգային մրցույթի տնօրեն Գոհար Հարությունյանը: Բացի անվան փոփոխությունից, «Միսս Հայուհի» գեղեցկության մրցույթը կունենա մի շարք փոփոխություններ:

Ինչպես նախորդ տարի, այս տարի ևս գեղեցկության մրցույթը կլինի համահայկական, միայն թե այս տարի Սփյուռքի որոշակի համայնքներում կանցկացվեն համայնքային քասթինգներ, որում հաղթելուց հետո աղջիկը հնարավորություն կունենա մասնակցել «Միսս Հայուհուն: «Ի դեպ՝ նախորդ տարի Սփյուռքը ներկայացնող գեղեցկուհիներից մի քանիսն այս տարի ներգրավված են կազմակերպչական աշխատանքներում»,-նշեց Գոհար Հարությունյանը, սակայն նախորդ տարվա հաղթող «Միսս Արմենիա» 2017 Լիլի Սարգսյանը չի մասնակցի «Միսս Հայուհու» կազմակերպչական աշխատանքներին:

Ինչ վերաբերում է պահանջվող չափանիշներին, ապա այս տարի ևս էական նշանակություն չի ունենա մասնակից աղջիկների հասակն ու քաշը, նշանակություն կունենա տարիքը՝ մինչև 27 տարեկան:

Արդեն missarmenia.org կայքում բաց է աղջիկների հայտագրումը: Մրցույթով հետաքրքվող աղջիկների թիվը, ըստ Գոհարի, այս տարի ավելի շատ է: Դա բացատրվում է նրանով, որ նախորդ տարվա մասնակից աղջիկներից շատերը մրցույթից հետո ստացել են բավականին լուրջ առաջարկներ մոդելային և հեռուստատեսային ոլորտում:

Ինչ վերաբերում է միջազգային մրցույթներին, Գոհար Հարությունյանը նշեց. «Արդեն դիմում ենք ներկայացրել «Միսս Տիեզերք» մրցույթին, սպասում ենք նրանց արձագանքին» :

Մրցույթի մասին ավելի մանրամասն առաջարկում ենք ծանոթանալ տեսանյութում:

Այս թեմայով «Միսս Պակիստան 2018» մրցույթի հաղթողը ամբողջովին կփոխի Ձեր պատկերացումներն այդ հետամնաց երկրի մասին «Չեմ կարող անտարբեր լինել». «Միսս Արմենիա» Լիլի Սարգսյան «Միսս Արմենիա» Լիլի Սարգսյանը ցուցադրել է իր գայթակղիչ մարմինը․ լուսանկարներ Ով է «Միսս Ռուսաստան-2018»-ը․ լուսանկարներ, տեսանյութ «Ծնողներս դեմ էին, սակայն զբաղվեցի բռնցքամարտով». Լիլի Սարգսյանը՝ տոնական ֆոտոշարքում