Սարգիս Հացպանյանին կհուղարկավորե՞ն Եռաբլուրում

Մի քանի օր է «Change.org» կայքում ՀՀ պաշտպանության նախարարին ուղղված առցանց ստորագրահավաք է մեկնարկել՝ Սարգիս Հացպանյանին Եռաբլուրում հուղարկավորելու պահանջով։

Հայտարարությունում մասնավորպես նշվում է. «Հայ անվանի հասարակական գործիչ, Արցախյան ազատամարտի մասնակից Սարգիս Հացպանյանը մեծ ներդրում ունեցավ մեր պետականության կայացման գործում՝ զենքը ձեռքին մասնակցելով ազատամարտին, ապա իր հրապարակումներով ու ելույթներով խոսելով հայրենի երկրին օգտակար լինելու իր տեսլականի մասին: Սարգիս Հացպանյանը անգնահատելի դեր ունեցավ հատկապես Արևմտյան Հայաստանի հայերի ինքնության վերադարձի, քուրդ և թուրք առաջադեմ գործիչների կողմից Ցեղասպանությունը ճանաչելու և աշխարհի տարբեր մասերում հայամետ նախաձեռնություններով հանդես գալու գործում: Մեր հայրենակիցը, ցավոք, մահկանացուն կնքեց շատ երիտասարդ՝ 55 տարեկան հասակում՝ ծանր հիվանդության պատճառով: Ներքոստորագրյալներս դիմում ենք ՀՀ պաշտպանության նախարարին՝ խնդրելով թույլ տալ Սարգիս Հացպանյանին արժանիորեն հուղարկավորել Եռաբլուր պանթեոնում՝ իր զինակից ընկերների կողքին: Դա կլինի հայկական պետության գնահատանքը իր կյանքը հայրենիքին նվիրած գործչին»:

«Առաջին լրատվական»-ը ՊՆ-ից փորձեց պարզել, թե ինչ դիրքորոշում ունի հարցի վերաբերյալ և ինչ են պատասխանել նախաձեռնության անդամներին։

ՀՀ ՊՆ տեղեկատվության և հասարակայնության հետ կապերի վարչության պետ Գևորգ Ալթունյանը մեզ հետ զրույցում ասաց, որ անձին Եռաբլուրում հուղարկավորելու հետ կապված հստակ չափանիշներ և ընթացակարգ կա։ Ծնողների, հարազատների դիմումը, իր անցած մարտական ուղին և այլ չափանիշներ։ Այդ հիմնավորումներով նախարարի անունով պաշտոնական դիմում պետք է ուղարկել պաշտպանության նախարարություն թույլտվություն ստանալու համար։ «Այդպիսի գրություն, սակայն, այսօրվա դրությամբ մենք չենք ստացել։ Նախարարի անունով հասցեագրված ոչ մի գրություն մուտք չի արվել նախարարություն»,- ասաց Ալթունյանը։

շարունակությունը՝ կայքում

Այս թեմայով Արտակարգ դեպք Եռաբլուրում «Կարեն Կարապետյանն ո՞վ ա». Մանվել Գրիգորյան / տեսանյութ Սարգիս Հացպանյանի արխիվային նամակը Վարդաշենի բանտից Սարգիս Հացպանյանը մահացել է