Ծխելու մասին գիտնականները նոր եզրակացություն են հրապարակել

Օրական ընդամենը մեկ ծխախոտը մարդու համար մահացու վտանգավոր է, պարզել են հետազոտությամբ, որը հրապարակվել է The BMJ ամսագրում:

Մասնագետները հանգել են այն եզրակացության, որ նույնիսկ չափավոր ծխելը կարող է կորոնար անբավարարություն առաջացնել եւ մեծացնել կաթվածի առաջացման հավանականությունը: Նրանք նաեւ զգուշացնում են, որ ծխախոտի անվտանգ քանակություն գոյություն չունի: Նրանց կարծիքով՝ օրական նույնիսկ մեկ ծխախոտը կարող է սիրտ-անոթային հիվանդություններ առաջացնել:

Սրա հետ կապված հետազոտողները խորհուրդ են տալիս ծխելուց ամբողջությամբ հրաժարվել, այլ ոչ թե նվազեցնել ծխախոտի քանակը: Սակայն միաժամանակ նշվում է, որ օրական ծխվող ծխախոտի թվի կրճատումը նվազեցնում է նաեւ քաղցկեղի առաջացման հավանականությունը:

Մասնագետներն ընդգծում են, որ ծխելու դեպքում հիվանդությունների առաջացման հավանականությունը կանանց մոտ ավելի բարձր է, քան տղամարդկանց:

Հետազոտության հիմքում դրված է մեթաանալիզի մեթոդը, որի ընթացքում գիտնականները հետազոտել են 50-ից ավելի գիտական հրապարակումներ՝ կապված մարդու առողջության վրա ծխելու ազդեցության հետ:

Այս թեմայով Մասնագետները հստակեցրել են, թե օրական որքան ջուր է պետք խմել Շրթունքները կարող են պատմել հիվանդությունների մասին Ստրեսից արագ դուրս գալու 8 էֆեկտիվ միջոց Մերկ քնելու 5 պատճառ Առավել անվտանգ ցավազրկող է ստեղծվել