ՀՅՈՒՐԱՆՈՑՈՒՄ ՀԱՅՏՆԱԲԵՐՎԵԼ Է ՅՈՒՎԵՑԻ ԿԱՐՈՅԻ ՓԵՍԱՅԻ ԴԻԱԿԸ

Այսօր առավոտյան «Նաբերեժնի» հյուրանոցում հայտնաբերվել է ԱԺ նախկին պատգամավոր, ԲՀԿ-ական Կարո Կարապետյանի (Յուվեցի Կարո) փեսայի՝ Գոռ Առաքելյանի դին: Նրա մարմնի վրա բռնության հետքեր չեն եղել։ Այս մասին Hraparak.am-ին հայտնեց «Շտապ օգնության» տնօրեն Թագուհի Ստեփանյանը։

Մինչդեռ հյուրանոցից հերքում էին լուրերը, թե այսօր իրենց մոտ տղամարդու դի է հայտնաբերվել։

Նշենք, որ Գոռ Առաքելյանը հանրությանը հայտնի է Վերնիսաժում տեղի ունեցած կրակոցների գործից։

2014թ. մայիսի 17-ին՝ ժամը 13:30-ի սահմանում կրակոցներ էին հնչել «Վերնիսաժի» տարածքում։ Ըստ մեղադրական եզրակացության՝ Գոռ Առաքելյանը Վարդանանց փողոցի թիվ 18/2 շենքի ստորգետնյա ավտոկայանատեղիի մուտքի դարպասների մոտ վեճի բռնվելով Վալերիկ Հովհաննիսյանի եւ Ներսես Մելքոնյանի հետ, փորձել է ապօրինաբար դիտավորությամբ կյանքից զրկել նրանց, ինչպես նաեւ անկանոն կրակ է բացել՝ ծանր մարմնական վնասվածքներ հասցնելով պատահական անցորդների։ Գոռ Առաքելյանը մայիսի 18-ին ինքնակամ ներկայացել էր ոստիկանություն: Նրա դեմ մեղադրանք էր առաջադրվել սպանության փորձ կատարելու, ինչպես նաեւ երկու եւ ավելի անձանց առողջությանը ծանր, մեկ անձի՝ միջին ծանրության վնաս պատճառելու համար, իսկ խափանման միջոց է ընտրվել կալանավորումը։ Ավելի ուշ կալանավորվել են նաեւ Ներսես Մելքոնյանը եւ Վալերիկ Հովհաննիսյանը՝ խուլիգանության մեղադրանքով:

Գոռ Առաքելյանը մեղավոր էր ճանաչվել եւ դատապարտել 6,5 տարվա ազատազրկման: Նա ազատ էր արձակվել Սերժ Սարգսյանի ներմամբ:

Այս թեմայով Յուվեցի Կարոյի փեսայի մահվան պատճառը հայտնի է. նոր մանրամասներ Փեսացուի չար կատակը բացահայտվել է մեկ տարի անց (լուսանկար) Ինչպես է փեսան շփոթում զոքանչին՝ կնոջ հետ (տեսանյութ) Նոր զարգացումներ՝ Գոռ Առաքելյանի մահվան գործով Փեսացուի ծնողները շոկի մեջ էին հարսի արտաքինից. բայց համաձայնվեցին, երբ նա… Տեսանյութ