Սանչեսի ֆանտաստիկ լրացումը․ հերթը Մխիթարյանինն է

1in.am |

Անգլիայի գավաթի խաղարկության 1/16-րդ եզրափակչում «Մանչեսթեր Յունայթեդը» հյուրընակվելիս 4:0 հաշվով առավելության հասավ 2-րդ դիվիզիոնը ներկայացնող «Յովիլի» նկատմամբ: Այս մրցավեճը 100-րդն էր պորտուգալացի մասնագետ Ժոզե Մոուրինյոյի համար որպես «Յունայթեդի» գլխավոր մարզիչ: Նրա գլխավորությամբ տիտղոսակիր ակումբը տարել է 62 հաղթանակ, 23 հանդիպում ոչ-ոքի ավարտել և կրել 15 պարտություն:

«Յովիլի» հետ հանդիպումը «Յունայթեդի» համար նշանավորվեց չիլիացի հարձակվող Ալեքսիս Սանչեսի նորամուտով: Դառնալով գոլային փոխանցման հեղինակ և ցուցադրելով ակտիվ խաղ՝ Սանչեսը բրիտանական պարբերականների կողմից արժանացել է ամենաբարձր գնահատականի: Dailymail-ը Սանչեսի գործողությունները գնահատել է 8 բալով մինչդեռ գոլի հեղինակ դարձած Ռեշֆորդը, Էրերան, Լինգարդն ու Լուկակուն ստացել են 7 բալ: Այսօր խոսվում է չիլիացի ֆուտբոլիստի փայլուն նորամուտի մասին: «Հեշտ հանդիպում չէր: Մրցակիցն առաջին կեսում պրեսինգ կիրառեց, որի հետևանքով դժվարություններ ունեցանք: «Յովիլի» մարզիչը խաղադաշտի մատույցներից կառավարում էր խաղը և կարող եմ ասել, որ մեր մրցակիցը կազմակերպված ֆուտբոլ ցուցադրեց: Երկրորդ կեսում մեզ հաջողվեց բեկել հանդիպման ընթացքը: Ավելացնելով ճնշումը մենք հաղթեցինք: Սանչեսը ֆանտաստիկ լրացում էր թիմին: Մենք բոլորս ուրախ այս տրանսֆերի համար: Լավ ֆուտբոլիստները մի էլ ցանկանում են խաղալ լավ ֆուտբոլիստների հետ: Սանչեսի գալուց հետո մենք հարձակվողական ոճի հիանալի կազմ ունենք: Չիլիացին մեծ փորձ և դաշտը տեսնելու հիանալի ունակություն ունի: Երկրորդ գոլի դրվագում Սանչեսը հիասքանչ փոխանցում կատարեց: Ակնհայտ է, որ նա թիմին հաղորդել է լրացուցիչ փորձ և բարձրացրել խաղամակարդակը»,- խաղից հետո հայտարարել է Մոուրինյոն:

Վերջինս չափից ավելի շատ գովեստի խոսքեր հնչեցնելով Սանչեսի հասցեին, փորձում է արդարացնել տեղի ունեցած տրանսֆերային գործարքը: Մոուրինյոյի նման հայտարարությունն անուղղակի կերպով առնչվում է Հայաստանի ազգային հավաքականի ավագ Հենրիխ Մխիթարյանին, որը դեռևս նորամուտը չի նշել «Արսենալի» կազմում: Մոուրինյոյի, ըստ էության, հասկացնել տվեց, որ Մխիթարյանին չէր հաջողվում «Յունայթեդին» այնքան օգուտ տալ, որքան տալիս է և պետք է տա Սանչեսը:

շարունակությունը՝ կայքում

Այս թեմայով Նորություններ Մխիթարյանի առողջական վիճակից «Ժամանակն է, որ միջազգային հանրությունը ճանաչի մարդկության դեմ այս հանցագործությունը». Հենրիխ Մխիթարյան Մխիթարյանը հայտարարություն է տարածել Եվրոպա լիգա․ որտեղ է խաղալու Մխիթարյանը Արսեն Վենգերը հորդորել է չանհանգստանալ