Գիտնականները պարզել են՝ ինչից է կախված կնոջ քաշը

Բրիտանացի գիտնականները ապացուցել են, որ կնոջ քաշը կախված է տղամարդու հետ հարաբերություններից, փոխանցում է Informing–ը։

Գիտնականների խոսքով՝ կինը գիրանում է զուգընկերոջ հետ երկարատեւ հարաբերությունների հետեւանքով։ Դա պայմանավորված է այն հանգամանքով, որ կնոջ քաշը կախված է նրա հուզական վիճակից։

Ուսումնասիրելով Մեծ Բրիտանիայի ավելի քան 3 հազար բնակիչների քաշը՝ գիտնականները տեսել են, որ հարաբերությունների վաղ փուլում կանայք նիհարում են։ Միջինում այդ շրջանում կինը կորցնում է մոտավորապես 2.5 կգ։ Մասնագետների խոսքով՝ դա պայմանավորված է նոր հույզերի կուտակման հանգամանքով, ինչպես նաեւ տղամարդուն դուր գալու ենթագիտակցական ձգտումով։ Երբ հուզական ֆոնը կայունանում է, կնոջ քաշը կարգավորվում է, եւ նա անգամ սկսում է ավելորդ կիլոգրամներ հավաքել։ Ինչպես ցույց են տալիս հետազոտությունները, երբ հարաբերություններն ավելի կայուն են դառնում, կինը միջինում 4.5 կգ քաշ է հավաքում։

Կինը սկսում է նիհարել հարսանիքի պատրաստության ժամանակ։ Միջինում կանայք նիհարում են մոտ 3.6 կգ։ Հետազոտությունը նաեւ ցույց է տվել, որ հղիության շրջանում բրիտանացի կանայք միջինում գիրանում են 4 կգ–ով։

Գիտնականները եկել են այն եզրակացության, որ կնոջ քաշն ուղղակի կապված է հույզերի հետ, որոնք նա ապրում է։

Ըստ News.am-ի