Հայտնաբերվել է աղմկահարույց գործով հետախուզվողի դիակը

Ամանորի գիշերը «Սեֆ Ինթերնեյշնլ» ՈւՎԿ- ի Վանաձորի մասնաճյուղից առանձնապես խոշոր չափերի գողության գործով հայտնաբերվել է հետախուզվող մեղադրյալը մահացած:

«Փաստինֆո»-ի տեղեկություններով՝ հետախուզվողը այցելել է կնոջ գերեզմանը, որի մոտ էլ հայտնաբերվել է մահացած:

Կայքի տեղեկությունը հաստատեցին նաև Քննչական կոմիտեից: Նշենք, որ տղամարդը հետախուզման մեջ էր գտնվում հունվարի 8-ից։

Ավելի վաղ ՔԿ-ն հայտնել էր, որ 2018թ. հունվարի 1-ին «Սեֆ Ինթերնեյշնլ» ՈՒՎԿ Վանաձորի մասնաճյուղի կառավարչից ահազանգ էր ստացվել, որ գրասենյակից կատարվել է գողություն: Անմիջապես դեպքի վայր է մեկնել քննչական-օպերատիվ խումբը և տեղում պարզել, որ ենթադրյալ հանցագործություն կատարած անձը, տեխնիկական միջոցների գործադրմամբ պատուհանը բացելով, Ամանորի գիշերը՝ 2018 թվականի լույս հունվարի 1-ին, մուտք է գործել գրասենյակ, բացել չհրկիզվող պահարանը և հափշտակել առկա կանխիկ գումարը և քաղաքացիների կողմից գրավադրված ոսկյա զարդերը:

Դեպքի առթիվ ՀՀ քննչական կոմիտեի Լոռու մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 177-րդ հոդվածի 3-րդ մասի 1-ին կետով, և ձեռնարկված մեծածավալ քննչական և դատավարական այլ միջոցառումների արդյունքում պարզվել են դեպքի՝ էական նշանակություն ունեցող մի շարք հանգամանքներ,մեխանիզմը:

Պարզվել էր ,րո հափշտակությանն առնչություն է ունեցել վարկային կազմակերպության մասնաճյուղի կառավարիչը եւ որ գողության իրականացումը ծրագրվել է դեռևս 2017 թվականի օգոստոսին՝ նրա նախաձեռնությամբ, ինչի շուրջ համաձայնություն է ձեռք բերել մեկ այլ քաղաքացու հետ, ով Երևանի բնակիչ է, իսկ գողությունը կատարվել է երկու փուլով։ Նախ՝ 2017թ. դեկտեմբերի 29-ի երեկոյան՝ մասնաճյուղի աշխատակիցների հեռանալուց հետո, կառավարիչն անջատել է թվային տեսագրության համակարգը և դրամապահոցից գաղտնի հափշտակել առանձնապես խոշոր չափերով ոսկյա զարդերը և առկա առանձնապես խոշոր չափերի գումարը:

Ապա՝ պայմանավորվածության համաձայն՝ 2018 թվականի հունվարի 01-ին՝ ժամը 00:14-ի սահմաններում, մյուս քաղաքացին, մասնաճյուղի պատուհանը տեխնիկական միջոցների գործադրմամբ բացելով, ապօրինի մուտք է գործել գրասենյակ, անջատել անվտանգության համակարգը, իր մոտ գտնվող կրկնօրինակ բանալիով բացել դրամապահոցի դուռը, գաղտնի հափշտակել մնացած ոսկյա զարդերը և գումարը:

Քրեական գործով կատարված քննչական գործողությունների արդյունքում հայտնաբերվել են կառավարչի կողմից դեկտեմբերն 29-ին հափշտակված գումարը և ոսկյա զարդերը։

Ձեռք բերված բավարար ապացույցների հիման վրա՝ մասնաճյուղի կառավարչին եւ գողոնը պահած նրա ընկերոջը մեղադրանք էր առաջադրվել, իսկ Երևանի բնակչի նկատմամբ հայտարարվել է հետախուզում։

Այս թեմայով Ուշադրություն. ովքեր ճանաչում են այս անձին, խնդրում ենք հայտնել Քննչական կոմիտե Փողով սեքս անելու համար տղաները եկել են իր տուն. ահազանգ ոստիկանությունում ՈՒՇԱԴՐՈՒԹՅՈՒՆ․ տղամարդուն ճանաչողներին խնդրում ենք հայտնել Քննչական կոմիտե․ Տեսանյութ ՈՒՇԱԴՐՈՒԹՅՈՒՆ․ Երիտասարդին ճանաչողներին խնդրվում է դիմել Քննչական կոմիտե (տեսանյութ) Տեսանյութում պատկերված կինը կասկածվում է գողության մեջ