IQOS-ի օգտագործումն ավելի անվնաս են ճանաչել, քան ավանդական ծխախոտը

Հունվարի 25-ին ԱՄՆ-ի Սննդամթերքի և դեղորայքի վարչության (FDA) փորձագիտական խորհուրդը հաստատեց, որ թութունի տաքացման IQOS համակարգը առջացնում է զգալիորեն ավելի քիչ վնասակար նյութեր, քան սովորական ծխախոտը, գրում է Վաշինգթոն Փոստը (The Washington Post)։ Խորհրդի անդամ 8 փորձագետները այս որոշմանը կողմ են քվեարկել։

Ընդ որում, ինչպես հայտնում է ԱՄՆ Ազգային հանրային ռադիոն (National Public Radio), փորձագետները տարակարծիք են եղել ավանդական ծխախոտից նիկոտինի մատակարարման այլընտրանքային համակարգի անցնելու արդյունքում երկարաժամկետ կտրվածքով ծխելու հետ կապված հիվանդությունների ու մահացության նվազման հարցում: Այս մասով որոշում կայացնելու համար փորձագետներին ավելի շատ տվյալներ են անհրաժեշտ։

Երկու օր տևած քննարկման ընթացքում փորձագետները կոչված էին պատասխանելու այն հացին, թե արդյոք թութունի տաքացման համակարգը կարելի՞ է ճանաչել որպես «փոփոխված/նվազեցված ռիսկով ապրանքատեսակ», թե ոչ։

ԱՄՆ շուկայում IQOS-ի առաջխաղացման թույլտվությունը կարող է տրվել միայն FDA- ի կողմից: Օրենսդրությունը նախատեսում է, որ դիմողը պետք է ապացուցի, որ ապրանքը դիմում ներկայացնելու պահին բնակչության առողջության վրա ընդհանուր առմամբ դրական ազդեցություն ունի կամ կունենա ապագայում: Նման որոշում կարող է ընդունվել միայն տվյալ ապրանքի, այլ ոչ թե ապրանքների դասի նկատմամբ: Բացի այդ, դրական որոշումը տրվում է սահմանափակ ժամկետով, ու դիմորդը հետագայում պարտավորվում է պարբերաբար հաստատել արտադրանքի կարգավիճակը:

ՍՄՆ Ազգային հանրային ռադիոյին տված հարցազրույցում Պենսիլվանիա նահանգի համալսարանի հանրային առողջության պաշտպանության ամբիոնի պրոֆեսոր Ջոնաթան Փոլդսը նշել է․ «Ես գտնում եմ, որ ծխախոտային ընկերությունների կողմից սովորական ծխախոտի համեմատ ռիսկի նվազեցման պոտենցիալ ունեցող ապրանքատեսակների մշակումը քայլ է ճիշտ ուղղությամբ»։

Փորձագիտական խորհրդի դիրքորոշումը վերաբերում է բացառապես թութունի տաքացման IQOS համակարգին և կրում է խորհրդատվական բնույթ։ Արտադրողը դեռ պետք է ստանա Սննդամթերքի և դեղորայքի վարչության թույլտվությունը՝ ապրանքատեսակը ԱՄՆ շուկա ներմուծելու համար։

Ինչպես հայտնում է Վաշինգթոն Փոստը, եթե վարչությունը հաստատի վերոհիշյալ դիմումը, IQOS-ը կարող է դառնալ թութուն պարունակող առաջին ապրանքատեսակը, որն ունի ամերիկյան կառավարության՝ ծխելու համեմատ ավելի քիչ վնասակար լինելը փաստող մակնշում։

Նշենք, որ IQOS–ը թութունի տաքացման համակարգ է՝ արտադրված Philip Morris International-ի կողմից։ Սարքը նախագծված է HeatControl տեխնոլոգիայի հիման վրա, որի շնորհիվ թութունը ոչ թե այրվում է, ինչպես սովորական ծխախոտի դեպքում, այլ տաքացվում։ Այրման գործընթացի բացակայության շնորհիվ IQOS-ի օգտագործման ժամանակ արտանետվում է միջինում 90-95% ավելի պակաս վնասակար նյութեր, քան սովորական ծխախոտի այրման դեպքում։

Այս թեմայով Ծխախոտը կրկին թանկացավ Ինչու՞ են ծխողները սիրում կուշտ ուտել․ գիտնականներ Գիտափորձ. IQOS vs ծխախոտ - ի՞նչ է տեղի ունենում իրականում Թրքուհիները որոշել են պայքարել՝ ծխելու միջոցով Ծխող կանայք ինչ թիվ են կազմում Հայաստանում