Արսեն Վենգերը մեկնաբանել է տեղի ունեցածը

Լոնդոնի «Արսենալի» գլխավոր մարզիչ Արսեն Վենգերը մեկնաբանել է «Սուոնսիից» 1:3 հաշվով կրած պարտությունն Անգլիայի առաջնության 25-րդ տուրի խաղում:

«Մենք թույլ տվեցինք թիմային սխալներ, որոնք անսովոր էին մեզ համար: Հենց դա կործանեց մեզ: Կարծում եմ՝ որոշիչ էր այն դրվագը, երբ մենք գոլ բաց թողեցինք հաշիվը բացելուց մեկ րոպե հետո: Բոլորս ենք մեղավոր դրանում, սակայն չունենք տրամաբանական բացատրություն տեղի ունեցածին: Սխալները ոչ միշտ են ունենում ռացիոնալ բացատրություն: Հնարավոր է, որ պատճառը կենտրոնացվածության պակասն էր»,- Վենգերի խոսքը մեջբերում է Guardian-ը:

Ֆրանսիացի մասնագետն անդրադարձել է նաեւ իր հայրենակից Օլիվյե Ժիրուին, որն առաջինա ժամերին կարող է տեղափոխվել Լոնդոնի «Չելսի»:

«Ժիրուին դաշտ դուրս բերելը հարգանքի նշան էր նրա հանդեպ: Օլիվյեն շատ բան է արել ակումբի համար, եւ երբեք հուսախաբ չի արել մեզ՝ հաճախ փրկելով դժվար պահերին: Ամեն բան կորոշվի հունվարի 31-ին»,- ասել է Վենգերը:

Հիշեցնենք, որ Սուոնսիում կայացած խաղում Հայաստանի հավաքականի 29-ամյա կիսապաշտպան Հենրիխ Մխիթարյանը փոխարինման էր դուրս եկել 60-րդ րոպեին՝ նորամուտը նշելով «Արսենալի» կազմում:

Այս թեմայով Վենգերն՝ իր հեռանալու մասին Վենգերը հեռացավ Արսեն Վենգերը հորդորել է չանհանգստանալ Գազաեւը՝ Արսեն Վենգերի տկարության մասին Զավեշտալի դրվագ Վենգեր-Մխիթարյան ասուլիսի ժամանակ