Մովսես Երեմյանը` Ռոզա Ֆիլբերգի հետ սիրավեպի և կնոջ խանդի լուրերի մասին

Էլեկտրոնային լրատվամիջոցներում օրերս հրապարակում հայտնվեց այն մասին, որ «Նռան հատիկ» հեռուստասերիալի նկարահանման հրապարակում նոր սիրավեպ է ձևավորվել Մովսես Երեմյանի և Ռոզա Ֆիլբերգի միջև, ինչի արդյունքում լարվել են նրա և կնոջ` Աննա Սիմոնյանի հարաբերությունները։

Tert.am Life-ն այս մասին զրուցել է կողմերի հետ։ Ռոզա Ֆիլբերգը չցանկացավ մեկնաբանություն տալ իր և Մովսեսի ռոմանտիկ հարաբերություններին վերաբերող թեմայի շուրջ։

Մովսես Երեմյանը շտապեց հերքել այն։ «Ես ու Աննան միասին էինք, երբ կարդացինք այդ նյութը։ Երկուսիս մոտ էլ ծիծաղ առաջացրեց։ Երբեք չէինք լսել, թե նման խոսակցություն»,– ասաց Մովսեսն ու հավելեց, որ նկարահանման հրապարակից դուրս շփում չունեն Ռոզայի հետ։

«Մեր հարաբերությունները գործնական են, ոչ ավելին։ Աննան ևս գործնական հարաբերություններ ունի Ռոզայի հետ, ինչպես սերիալի մյուս դերասանների հետ։ Ես կողքից տեսել եմ իրենց շփումը` շատ լավ, մարդկային շփում է։ Խանդ չկա բացարձակ»,– ասաց դերասանը։

Հաճախ, կանայք ավելի զգայուն են լինում նման թեմաների վերաբերյալ քննարկումների ժամանակ, ըստ Մովսեսի, Աննան, ընդհանրապես, ուշադրություն չի դարձրել դրան. «Աննայի մոտ ծիծաղ առաջացավ։ Լուրջ չվերաբերվեց հրապարակմանը։ Կարծում եմ` Ռոզայի մոտ էլ է ծիծաղ առաջացել»։

Նախագծի ղեկավար Դիանա Գրիգորյանն էլ մեզ հետ զրույցում ասաց, որ ինքը միշտ փորձում է այնպես անել, որպեսզի նկարահանման հրապարակում լինի առողջ մթնոլորտ։ «Քանի որ սերիալային շատ նախագծեր եմ ղեկավարել, յուրաքանչյուր անգամ թրծվելով, ամեն նոր սերիալ սկսելիս անում եմ ճիշտ մոդուլացիա, որպեսզի ինտրիգներ և սկանդալներ նկարահանման հրապարակում չլինեն։ Եթե ինչ–որ բաներ լինում են, միանգամից հարթում եմ փորձի շնորհիվ։ Եթե մի տեղ աշխատում է 25-30 մարդ, հնարավոր չէ, խոսակցություն չլինի, դա նորմալ է, որովհետև գործ ունենք տարբեր մարդկանց, տարբեր բնավորությունների հետ, սակայն այդ փնթի, կեղտոտ մետաստազը մեզ մոտ չկա»,– ասաց նա։

Անդրադառնալով Մովսես–Ռոզա–Աննա հարաբերություններին` Դիանան ասաց. «Վստահ կարող եմ ասել, որ իրենք մտերիմ են և ճիշտ, առողջ մթնոլորտում իրենց աշխատանքն են անում։ Յուրաքանչյուր մարդ մտերմության տակ իր ռակուրսով է ինչ–որ բան տեսնում։ Միշտ էլ փորձում են հյուսել ներքին ինտրիգներ, որոնք հետաքրքրություն են առաջացնում։ Մարդիկ փորձում են ինչ–որ բաներ հորինել, երևակայել, իրենց երևակայության սահմաններում պատասխան գտնել ու բավարարվել դրանով` անկախ նրանից դա իրականությո՞ւն է, թե՞ ոչ»։

Այս թեմայով Ինչու է Մովսեսի կինը որոշել ծննդաբերել Ամերիկայում Ռոզա Ֆիլբերգը՝ առօրյա հագուստով․ լուսանկար Մովսես Երեմյանի եւ կնոջ նոր լուսանկարները Մովսես Երեմյանի ու Աննա Սիմոնյանի կազմակերպած baby shower-ը․ լուսանկարներ «Այն, ինչ պետք է ինձ հիմա, դու ես». Ռոզա Ֆիլբերգ