Հայտնիներ, ովքեր կոմպլեքսավորվում են իրենց արտաքինի պատճառով (լուսանկարներ)

Շատերին թվում է, թե հոլիվուդյան աստղերն ու շոու բիզնեսի անվանի ներկայացուցիչներն արտաքինի հետ կապված որևէ խնդիր չունեն ու միայն զբաղված են կարմիր գորգին իրենց անթերի տեսքով փայլելով:

Սակայն իրականում աստղերն էլ, ինչպես մենք, որոշակի բարդույթներ ունեն՝ կապված արտաքինի հետ:

AdMe.ru-ն ուշագրավ ֆոտոշարքով ներկայացրել է մի շարք հայտնիների, որոնք տարբեր առիթներով պատմել են, թե ինչը չեն հավանում սեփական արտաքինում.

Դերսանուհի Անջելինա Ջոլիի շուրթերը «երազանքի օբյեկտ» են բազմաթիվ կանանց ու աղջիկների համար, որոնք պատրաստ են դիմել արհեստական միջամտության նման հյութեղ շուրթեր ունենալու համար: Սակայն ինքը՝ Ջոլին, համարում է, որ մարմնի այդ մասը չափից ավելի մեծ է:

Սուպերմոդել Սինդի Քրոուֆորդին դուր չի գալիս կրծքի փոքր չափը:

Օսկարակիր Ջենիֆեր Լոուրենսը խոստովանել է, որ իրեն գեր է համարում, ինչպես նաև բարդույթավորվում է մեծ կրծքերի պատճառով:

Քրիստեն Ստյուարտի խոսքով՝ իր ականջները շատ մեծ են ու տգեղ, ուստի՝ դերասանուհին փորձում է դրանք թաքցնել մազերի տակ:

Փերիս Հիլթոնին բարդույթավորում է ոտքի թաթի մեծ չափսը՝ 42-րդ համար, ինչի հետևանքով կոշիկ ընտրելն ուղղակի «մղձավանջ» է:

Մինչդեռ Ջուլյա Ռոբերթսին երիտասարդ տարիքից դուր չեն եկել իր մեծ բերանն ու բարձր հասակը:

Դերասանուհի Կիրա Նայթլին «տառապում» է չափազանց նիհար լինելու ու փոքր կուրծք ունենալու պատճառով:

Նրա գործընկերուհի Սկարլետ Յոհանսոնն իրեն չաղլիկ է համարում:

Դերասանուհի Պենելոպե Կրուսը խոստովանել է, որ կցանկանար ավելի ընդգծված հետույք ունենալ:

Հեռուստաաստղ Քիմ Քարդաշյանին դուր չեն գալիս իր կոնքերը: Նա համարում է, որ դրանք շատ լայն են:

Դերասան Թոմ Քրուզը բարդույթավորվում է ցածրահասակ լինելու պատճառով: