Չինաստանում վրդովմունք է առաջացել՝ կապված աղջիկների «բարոյականության դպրոցների» հետ

Չինաստանում վրդովմունք է առաջացել՝ կապված երկրում կանանց համար «բարոյականության դպրոցների» առկայության հետ, որտեղ սովորեցնում են ծառայել ամուսիններին։ Լյաոնին նահանգի Ֆուշուն քաղաքում նման հաստատություններից մեկի դասերի ժամանակ թաքնված տեսախցիկի արած տեսագրությունը հրապարակվել է համացանցում, հայտնում է Associated Press-ը։

Հոլովակում երևում է, թե ինչպես է դասախոսն ասում չինուհիներին. «Տղամարդը երկինքն է, կինը՝ երկիրը, նա միշտ պետք է ցած լինի ամուսնուց»։ Նրանց նաև սովորեցնում են, որ եթե ամուսինը հարվածել է, ապա պետք չէ պատասխան հարված տալ, եթե նա հայհոյում է, պետք է լռել, խոնարհաբար հանդուրժել և ոչ մի դեպքում չամուսնալուծվել։

Դեն Սիչանը պատմել է, որ իր մայրը հաճախել է նման հաստատություն Չանշա քաղաքում։ Պարապմունքներն անվճար են եղել, ուսանողներին տրամադրվել է կացարան և բուսական սնունդ։ Կանանց ասել են, որ հնազանդությունն ամուսնու հանդեպ երեխաներին դարձնում է ավելի երջանիկ, սեքսը մինչ ամուսնությունն անթույլատրելի է, նրանց նաև ստիպել են խոնարհվել Կոնֆուցիոսի արձանի առջև։

Ֆուշունում «Բարոյականության դպրոցը» հիմնադրվել է 2011 թվականին, նախկին բանտարկյալի կողմից, ով դատապարտված է եղել սպանության համար։ Տեղի իշխանությունները հավանություն են տվել նախագծին որպես հասարակական կազմակերպության։ Կուրսերն անվճար են եղել, ուսանողները կամավոր վճարներ են արել։

Անցած տարվա դեկտեմբերին դպրոցը փակել են։ Կրթության տեղի դեպարտամենտը հանձնարարել է հետաքննություն անցկացնել և ոչնչացնել բոլոր նմանօրինակ հաստատությունները։

Այս թեմայով Այս աղջիկը պնդում է, որ ինքը 15 տարեկան ու 20 կգ է կշռում. տեսեք, թե ինչ լուսանկարներ է նա հրապարակում Ինչ է կատարվում ռուսական դպրոցներում... տղան բաց տեսանյութ է հրապարակել՝ 9-րդ դասարանցի աղջկա հետ (տեսանյութ չափահասների համար) Աղջիկը համացանցում անվճար սեքս է խոստացել բոլորին. եկել են՝ ոստիկանները 10 անհավանական փաստ Չինաստանի մասին 51-ամյա չինուհին 25 տարեկանի տեսք ունի․ լուսանկարներ