Մոլդավական գյուղերը միանում են Ռումինիային
ԱշխարհՄոլդովական գյուղերը միանում են Ռումինիային։ Խորհրդանշական միավորման օգտին կքվեարկեն գյուղական խորհուրդները։ Իսկ Մոլդովայի նախագահը պահանջում է պատժել նրանց, ովքեր կողմ են հանդես գալիս երկրի ինքնիշխանության և անկախության խաթարմանը։ Մոլդովական գյուղերը մեկը մյուսի հետևից հայտարարում են Ռումինիային իրենց խորհրդանշական միացման մասին։
1 շաբաթում 12 բնակավայրեր համապատասխան հռչակագրեր են ստորագրել ակցիայի շրջանակում՝ նվիրված 1918 թվականին Ռումինական պետության կազմում Բեսարաբիայի մուտքի 100-ամյակին։
Ակցիայի նախաձեռնող է դարձել Actiunea-2012 քաղաքացիական հարթակը, որը միավորում է Պրուտ գետի երկու ափերի հասարակական երիտասարդական շարժումները։ Կազմակերպիչների մտահղացմամբ՝ մինչ հոբելյանական ամսաթիվը, որը կնշվի մարտի 27-ին, Ռումինիային միանալու մասին հռչակագրեր պետք է ստորագրեն 100 մոլդովական գյուղեր։ Այս մասին հայտնում է Deutsche Welle-ն։
Հանրային քաղաքականության ինստիտուտի կողմից 2017 թվականի նոյեմբեր-դեկտեմբեր ամիսներին անցկացված հարցման տվյալներով՝ Ռումինիայի հետ միավորման օգտին է հանդես գալիս բնակչության մոտ 22 տոկոսը, կտրականապես դեմ է ավելի քան 56 տոկոսը։ Ոչ պաշտոնական տվյալներով՝ Մոլդովայի մոտ 800 հազար քաղաքացիներ ունեն նաև ռումինական անձնագրեր։
1
2
3
4
5
1
2
3
5
2
5
