Ռոնալդուն խոստովանել է, թե ինչեր չի կարող անել այլևս

Մադրիդի «Ռեալի» պորտուգալացի հարձակվող Կրիշտիանու Ռոնալդուն պատմել է, որ լավագույն մարզավիճակում լինելը չափազանց կարեւոր է իր համար:

«Կյանքը մարտահրավեր է տարբեր առումներով: Փորձում եմ լինել լավագույն մարզավիճակում, ինչը շատ կարեւոր է ֆուտբոլիստի համար: Միշտ պետք է պատրաստ լինեմ 100 տոկոսով, քանի որ դա չափազանց կարեւոր է ինձ համար:

Լավագույն մարզավիճակում լինելու համար պետք է գնալ զոհողությունների: Ես արդեն չեմ կարող անել որոշ բաներ, որոնք կարողանում էի 20 տարեկանում: Պետք է փորձել գտնել լավագույն բալանսը, հիմա ամեն բան որոշում են մանրուքները:

Ես շատ ամբիցիոզ եմ: Մարդիկ պետք է գնան դեպի իրենց երազանքը: Ինձ հաջողվել է հասնել դրան, սակայն դեռ ունեմ շատ նպատակներ: Ցանկանում եմ շարունակել կատարելագործվել եւ հասնել նոր բարձունքների: Փորձում եմ կենտրոնանալ ներկայի վրա, այլ ոչ թե անցյալի»,- Ռոնալդուի խոսքը մեջբերում է As-ը:

Հիշեցնենք, որ փետրվարի 5-ին Ռոնալդուն դարձել էր 33 տարեկան:

Այս թեմայով Նորություններ Մխիթարյանի առողջական վիճակից Ռոնալդուն առաջին անգամ կարող է պահեստայինների նստարանին մնալ «Ժամանակն է, որ միջազգային հանրությունը ճանաչի մարդկության դեմ այս հանցագործությունը». Հենրիխ Մխիթարյան Մխիթարյանը հայտարարություն է տարածել Բերեզովսկին վերադառնում է. հայտնի է, թե ովքեր կօգնեն Մինասյանին