Դինա Ակոպովնային ԱՄՆ–ում մեղադրում են խարդախության և փողերի լվացման մեջ

Հաղորդավարուհի Դինա Ակոպովնային և ևս 2 հայի ԱՄՆ-ում մեղադրանք է առաջադրվել՝ ԱՄՆ մուտքի արտոնագրերի տրամադրման համար խարդախություններ անելու։ Դինային մեղադրել են նաև փողերի լվացման համար։

ԱՄՆ Արդարադատության նախարարության կայքը հայտնում է, որ գործում ներգրավված են 3 հայ` Նյու Յորքից 47-ամյա Ստելլա Բոյաջյանը, Գլենդելից 30-ամյա Հրաչյա Աթոյանը և Հայաստանից 41-ամյա Դիանա Գրիգորյանը։ Վերջինս հայտնի է որպես Դինա Ակոպովնա։

Ինչպես նշվում է հաղորդագրության մեջ, Բրուկլինի ֆեդերալ դատարանը երեկ վիզաների կեղծման, շորթման և օտարերկրյա քաղաքացիներին անօրինական ճանապարհով ԱՄՆ տեղափոխելու 15 դեպքի առնչությամբ մեղադրանք է ներկայացրել Ստելլա Բոյաջյանին, Հրաչյա Աթոյանին և Դիանա Գրիգրյանին: Բացի այդ, Բոյաջյանն ու Գրիգորյանը մեղադրվում են փողերի լվացման մեջ:

Բոյաջյանին մեղադրանք է առաջադրվել նաև անձը հաստատող փաստաթղթի գողության առնչությամբ:

Ըստ այդմ` 3 քաղաքացիները շահադիտական նպատակներով և խարդախությամբ ՀՀ քաղաքացիներին ապահովել են մի քանի տարվա վիզայով։ նրանք ՀՀ քաղաքացիներին ապահովել են պարի կեղծ վկայագրերով, տրամադրել համապատասխան հագուստներով բեմական լուսանկարներ, որոնք անհրաժեշտ են արտիստների համար սահմանված «P-3» տեսակի ԱՄՆ մուտքի վիզա ստանալու համար:

Բոյաջյանը երեկ ներկայացել է դատարան։ Աթոյանը պետք է դատարան ներկայանա այսօր ավելի ուշ։ Դինա Ակոպովնայի` դատարան ներկայանալու մասին տեղեկություն ներկայացված չէ։

Այս թեմայով Ստել է, որ քաղցկեղ ունի ու գումար է հավաքել․ ձերբակալվել է խարդախ աղջիկը «Տեսնես դինաակոպովնաները գոնե գիտակցո՞ւմ են իրենց մեղքի, տհասության ու հանցագործության աստիճանը». Նազենի Հովհաննիսյան Ծանր հանցագործության համար հետախուզվող Դինա Ակոպովնայի «վեջը չէ» կարծես․ նա լուսանկարներ է հրապարակում «Նախ մարդկանց փողերը կտաս, հետո նոր դուրս կգաս». ԱԱԾ պաշտոնյան դարձել է մոր ու քրոջ խարդախության գերի Վրաստանում ՀՀ քաղաքացիներ են ձերբակալվել