Մխիթարյանը մարզումից հետո մնացել և օգնել է հարձակվողներին

«Արսենալի» հայ կիսապաշտպան Հենրիխ Մխիթարյանը լոնդոնյան ակումբի հերթական մարզումից հետո սովորականից երկար է մնացել և աշխատել թիմի հարձակվողներ Պյեր-Էմերիկ Օբամեյանգի և Ալեքսանդր Լակազետի հետ:

Ինչպես հայտնում է «Express»-ը, Մխիթարյանն օգնել է հարձակվողներին, ովքեր լրացուցիչ մարզում են անցկացրել` գնդակ մատակարարելով նրանց:

Աղբյուրի փոխանցմամբ, սա սովորաբար մարզիչներից մեկի պարտականությունն է, բայց այս անգամ Մխիթարյանն ինքնակամ ստանձնել է այն:

Այս տեղեկությունը երեկ կայացած մամուլի ասուլիսի ընթացքում հաստատել է նաև «Արսենալի» գլխավոր մարզիչ Արսեն Վենգերը.

«Մխիթարյանը շատ պրոֆեսիոնալ մոտեցում ունի և կարծում եմ` դա այն է, ինչ դու ցանկանում ես բոլոր խաղացողներից»,- ասել է Վենգերը:

Հիշեցնենք` «Արսենալը» պատրաստվում է հյուսիսլոնդոնյան դերբիին «Տոտենհեմի» հետ, որը կկայանա վաղը` փետրվարի 10-ին, «Ուեմբլի» մարզադաշտում և կմեկնարկի Երևանի ժամանակով 16:

30-ին:

Այս թեմայով Նորություններ Մխիթարյանի առողջական վիճակից Ռոնալդուն առաջին անգամ կարող է պահեստայինների նստարանին մնալ Վենգերն՝ իր հեռանալու մասին «Ժամանակն է, որ միջազգային հանրությունը ճանաչի մարդկության դեմ այս հանցագործությունը». Հենրիխ Մխիթարյան Մխիթարյանը հայտարարություն է տարածել