Ովքե՞ր են «Էլենի օրագրի» ամենաընկերասեր, ամենանյարդային, ամենաբարի դերասանները. բացահայտումներ

 

«Էլենի օրագիրը» հեռուստասերիալը արդեն հասցրել է սիրվել լսարանի կողմից։ Tert.am Life–ը եղել է սերիալի նկարահանման հրապարակում և իր ընթերցողներին է ներկայացնում ոչ միայն լուսանկարներ, այլև բլից հարցազրույցներ անձնակազմի հետ։

 

Tert.am Life–ի «Հարցախույզ» շարքում այս անգամ «տանջել» ենք հեռուստանովելի երիտասարդ դերասաններին և պարզ ու բարդ հարցերով բացահայտել, թե ովքեր են անձնակազմի «ամենաները»։ Ի դեպ, այն, որ Մարիամ Ադամյանն անձնակազմի ամենախենթ անդամն է, ասել են, գրեթե, բոլորը։

 

Անկեղծ ու հումորային պատասխանների միջոցով առաջարկվում ենք իմանալ, թե ինչ տրամադրություն է տիրում նկարահանման հրապարակում։)

 

Սիսիան Սեփանյան

 

Ամենապոզիտիվը  Դավիթ Հակոբյանն է։

Նկարահանումից առաջ ամենանյարդայինը չեմ կարող ասել` ով է։

Ամենաընկերասերը Հասմիկ Խոջյանն է։

Ամենախենթը Մարիամ Ադամյանն է։

Ամենաբարին Լիդիա Օռլովան է։

Իմ ամենամտերիմ մարդը  Միկա Ղափլանյանն է։

Մարդ, ում հետ շփումը չի ստացվում ... չկա այդպիսի մեկը։

Ամենաշատն ուշանում է  Միկա Ղափլանյանը (ինձ ասել է, որ ինքն իմ անունն է տվել :

))

 

Ամենաբարդ տեսարանը...  չի եղել այնպիսի տեսարան, որն ընդհանրապես չստացվի։

Ամենավատ նկարահանման օրը  մի քանի օր առաջ էր։ Հիվանդանոցում նկարահանում էինք անում, ես էլ շատ վատառողջ էի։ Երևի, ամենածանր օրն էր, որովհետև ինքնազգացողությունս շատ վատ էր։

Ամենալավ նկարահանման օրն առաջին օրն էր` Լևոնի տանն էինք, տեսարանս Դավիթ Հակոբյանի հետ էր։

Կոնֆլիկտներ... աշխատում ենք խուսափել կոնֆլիկտներից։ Բարեբախտաբար, մեզ մոտ շատ ջերմ, ընկերական մթնոլորտ է։ Չեմ հիշում կոնֆլիկտ։

 

 

Լիդիա Օռլովա

 

Ամենապոզիտիվը Միկա Ղափլանյանն է։

Նկարահանումից առաջ ամենանյարդայինը Սառայի հայրիկի դերակատարն է`Էրվին Ամիրյանը։

Ամենախենթը Սիսիան Սեփանյանն է։

Ամենաընկերասերը Մաշոկը՝ Մարինկա Խաչատրյանը։

Ամենաբարին Մարիամ Ադամյանն է։

Իմ ամենամտերիմ մարդը  վերջերս` Միկան։ Քանի որ Մարինկայի հետ նկարահանումներն առանձնացել են, ավելի շատ Միկայի հետ ենք լինում։

Մարդ, ում հետ շփումը չի ստացվում  Էրվին Ամիրյանն է։

Ամենաշատն ուշանում է   Սիսիան Սեփանյանը։

Ամենաբարդ տեսարանը... Զորիի հետ առաջին կոնֆլիկտի տեսարանից հետո այնպես էի գոռում, որ ձայնս կտրվել էր։

Ամենավատ նկարահանման օրը մի քանի օր առաջ հիվանդանոցում նկարահանում ունեինք։ Ես էլ զբաղվածություն չէի տվել, մի ռեպլիկ ունեի, որն ասելու համար մոտ 2 ժամ սպասեցի։

Ամենալավ նկարահանման օրն 2 օր առաջ էր։ Դպրոցում նկարահանում ունեինք, շատ ուրախ անցավ։

Կոնֆլիկտներ... երբեմն ադմինիստրատորի հետ են լինում` կապված ժամերի հետ։

 

 

Էդգար Իգիթյան

 

Ամենապոզիտիվը  ձայնային ռեժիսորը` Միշան է։)

Նկարահանումից առաջ ամենանյարդայինը... բոլորի մոտ էլ կարող է լինել լարվածություն, բայց բռնկվող մարդ չունենք։ Կարող եմ ամենախիստ մարդուն ասել` ռեժիսորն է` Մհեր Խաչատրյանը։

Ամենախենթը Մարիամ Ադամյանն է։

Ամենաընկերասերը էլի Մարիամ Ադամյանն է։

Ամենաբարին ձայնային ռեժիսորը` Միշան է։)

Իմ ամենամտերիմ մարդը... բոլորի հետ մտերիմ եմ։ Ես բնավորությամբ այնպիսի մարդ եմ, որ բոլորին փորձում  եմ լավ վերաբերել։ Իհարկե, կան մարդիկ, ում հետ շփումը շատ է, բայց էլի չեմ կարող առանձնացնել։

Մարդ, ում հետ շփումը չի ստացվում... չկա այդպիսին։

Ամենաշատն ուշանում է... մեկ–մեկ բոլորս էլ ուշանում ենք, բայց մշտական ուշացող չունենք։

Ամենաբարդ տեսարանը...  նկարահանման  առաջին օրը դժվարությամբ ես մտնում կերպարի մեջ։ Փորձում ես մաքսիմալ լավ ցույց տալ քեզ և մի քիչ դժվար է անցնում։ Ժամանակի հետ ամեն ինչ ավելի հեշտանում է։

Ամենավատ նկարահանման օրը...  մի քանի դժվար օրեր են եղել։ Իզայի և Զորիի տանը հյուրընկալվելու օրը բարդ անցավ ու ուշ վերջացրինք։

Ամենալավ նկարահանման օրն առաջին կամ երկրորդ օրն էր, երբ լողավազանի տեսարաններն էինք նկարահանում։ Ամբողջ օրը լողավազանում էիք, նկարահանումից հետո լողացի։ Շատ է տպավորվել։

Կոնֆլիկտներ... ինչպես բոլոր աշխատավայրերում, մեզ մոտ էլ են լինում, սակայն շատ շուտ մոռացվում են, քանի որ փորձում ենք պահել մարդկային, ընկերական շփումը։

 

 

Իննա Խոջամիրյան

 

Ամենապոզիտիվը պիտի լինի ռեժիսորը, որովհետև իր տրամադրությունից կախված է մեր տրամադրությունը։ Մեր ռեժիսորը` Մհեր Խաչատրյանը, աշխարհի ամենապոզիտիվ մարդն է։

Նկարահանումից առաջ ամենանյարդայինը, որ կարող է լինել նկարահանման հրապարակում, ռեժիսորն է։)

Ամենախենթը Մարիամ Ադամյանն է, ինչի մասին է խոսքը։

Ամենաընկերասերը բոլորն էլ ընկերասեր են, ուղղակի կախված է նրանից, ում հետ կմտերմանաս, ում հետ կպահես գործնական հարաբերություններ։ Մեզ մոտ բոլորն էլ ընկերասեր են։

Ամենաբարիների շարքում Խերանյան Նելլին ու Դավիթ Հակոբյանն են։ Իրենք այնքան բարի ու համբերատար են, որ  ինձ պես երիտասարդ սերնդին սովորեցնում են, ու դա անում են այնքան բարի ձևով, որքան ես, երևի թե, մի քիչ մեծանալուց հետո չեմ կարող։

Իմ ամենամտերիմ մարդը... ամենաջերմ հարաբերությունները Հասմիկ Խոջյանի հետ են։

Մարդ, ում հետ շփումը չի ստացվում... դե հիմա ոնց բացատրեմ:) Չկան մարդիկ, ում հետ շփումը չի ստացվում, կան մարդիկ, ում հետ ուղղակի չես շփվում։

Ամենաշատն ուշանում է   ես` ստաբիլ 10-15 րոպե, սակայն առավոտյան ժամը 9–ին գալու դեպքում։ Եթե կանչեն 12-ին 1 րոպե, անգամ, չեմ ուշանա։

Ամենաբարդ տեսարանը...  այս նախագծում բարդագույն տեսարաններ շատ եմ ունեցել` սկսած առաջին սերիայից` հիդրոֆոբիա ունեմ, ինձ մի քանի դուբլով գցեցին լողավազանը, որն ինձ համար մղձավանջային էր, դասարանում սեղանի մոտ ընկա, հետո` դպրոցի բակում։ Այս սերիալից մարմնիս տարբեր հատվածներում բավականին հետքեր ու վերքեր ունեմ։

Ամենավատ նկարահանման օրը  դպրոցի բակում նկարահանում ունեինք, ինքնազգացողությունս շատ վատ էր։ Նկարահանող խումբը մոտ 40 րոպե սպասել է մինչև կարողացել եմ մի քիչ լավ զգալ ու նկարահանվել։

Ամենալավ նկարահանման օրը ծնունդս էր, երբ ինձ անակնկալ մատուցեցին։)

Կոնֆլիկտներ... վերջին ժամանակաշրջանում չմտաբերեցի կոնֆլիկտ։ Կոնֆլիկտ կարող է լինել միայն ժամանակի պատճառով, երբ ինչ–որ բան չենք հասցնում։ Դրանք կարճ խոսակցություններ են, որոնք կոնֆլիկտ չեմ էլ համարում։

 

 

Մարիամ Ադամյան

 

Ամենապոզիտիվը  օպերատոր Վարդանն է։

Նկարահանումից առաջ ամենանյարդայինը, երբեմն,  ես եմ ։)

Ամենախենթը Լիդիա Օռլովան է։

Ամենաընկերասերը Էդգար Իգիթյանն է։

Ամենաբարին ռեժիսորի օգնական Լուսինեն է։)

Իմ ամենամտերիմ մարդը  – մի քանի հոգի կան, որոնց հետ ոչ թե շատ մտերիմ եմ, այլ սիրում եմ, երբ իրենք լինում են նկարահանման հրապարակում`  Էդգար Իգիթյան, Լիդիա Օռլովա, Միկա Ղափլանյան, Հասմիկ Խոջյան,  Իննա Խոջամիրյան։

Մարդ, ում հետ շփումը չի ստացվում – կա, բայց չեմ ասի ով է:)

Ամենաշատն ուշանում է   տարօրինակ է, բայց ուշացողներ շատ չկան։ Հիմա ամենաուշացողը ես եմ` 15 րոպե։

Ամենաբարդ տեսարանը...  Երբ ես նկարահանման հրապարակում լինում եմ Մուրադ Նադիրյանի հետ։ Մեզ մոտ ոչ մի տեսարան չի ստացվում, որովհետև մենք միայն ծիծաղում ենք։ Ե՛վ շատ դժվար է, և՛ շատ հաճելի։

Ամենավատ նկարահանման օրը  ամսվա մեջ լինում է մի քանի անգամ, երբ ես պետք է թատրոնի փորձից հասնեմ նկարահանման և ուշանում եմ։ Ինձ համար դա շատ բարդ ու նյարդային է լինում։

Ամենալավ նկարահանման օրն այն օրերն են, երբ ես նկարահանվում եմ Նելլի Խերանյանի հետ։ Ես պաշտում եմ Նելլի Խերանյանին։ Բոլորին կարող եմ ասել, որ ես գժվում եմ իր համար։

Կոնֆլիկտներ... ես չեմ ունենում։ Երբեմն, կարող է ադմինիստրատորի հետ խնդիր լինի` ժամերի հետ կապված, բայց դա շատ արագ մոռանում ենք։

 

 

Միկա Ղափլանյան

 

Ամենապոզիտիվը Մարիամ Ադամյանն է։

Նկարահանումից առաջ ամենանյարդայինը ձայնային ռեժիսոր Միշան է։

Ամենախենթը Մարիամ Ադամյանն է։

Ամենաընկերասերը Սիսիան Սեփանյանն է։

Ամենաբարին համացանցային մենեջեր Ամինա Ավագյանն է։

Իմ ամենամտերիմ մարդը Սիսիան Սեփանյանը, Մարիամ Ադամյանն ու Ամինա Ավագյանը։

Մարդ, ում հետ շփումը չի ստացվում... ձայնային ռեժիսոր Միշան է, ուզում եմ շփվեմ իր հետ, հետաքրքիր մարդ է, բայց չի ստացվում։

Ամենաշատն ուշանում է  Սիսիան Սեփանյանը։

Ամենաբարդ տեսարանը... երբ Հասմիկ Խոջյանը գրքով 5 անգամ խփեց գլխիս։

Ամենավատ նկարահանման օրը  չի եղել, նույնիսկ 5 ժամ սպասելը հաճելի է։

Ամենալավ նկարահանման օրն բոլորն են։

Կոնֆլիկտներ... անձամբ ինձ հետ չի եղել։

 

 

Մարինկա Խաչատրյան

 

Ամենապոզիտիվը  ես եմ, Մարիամ Ադամյանը, Օլյա Հակոբյանը։

Նկարահանումից առաջ ամենանյարդայինը... բոլորս նյարդային ենք։)

Ամենախենթը Օլյա Հակոբյանն է։

Ամենաընկերասերը Լիդիա Օռլովան է։

Ամենաբարին Էդգար Իգիթյանն  է։

Իմ ամենամտերիմ մարդը   Լիդիա Օռլովան է։

Մարդ, ում հետ շփումը չի ստացվում...  ես բոլորի հետ կարողանում եմ շփվել։

Ամենաշատն ուշանում է չունենք այդպիսին։

Ամենաբարդ տեսարանը... այս նախագծում չեմ ունեցել։ Երևի թե, դպրոցի այն տեսարաններն են, որտեղ շատ ենք։

Ամենալավ նկարահանման օրն առաջին նկարահանման օրն է։ Ամեն ինչ դեռ նոր էր սկսվում` ավելի դրական ու պոզիտիվ։

Ամենավատ նկարահանման օրը  մի ամիս հետո սկսվեց։) Իրականում` չի եղել։

Կոնֆլիկտներ... իհարկե, լինում են, տարբեր պատճառներ կարող են լինել։ Հիմնականում այն ժամանակ, երբ շուտ են կանչում նկարահանման։

 

 

Հասմիկ Խոջյան

 

Ամենապոզիտիվը Իննա Խոջամիրյանը, Ամինա Ավագյանը։

Նկարահանումից առաջ ամենանյարդայինը, չունենք, որովհետև բոլորը պրոֆեսիոնալ են։

Ամենախենթը Մարիամ Ադամյանն է։

Ամենաընկերասերը Իննա Խոջամիրյանը, Սիսիան Սեփանյանը, Միկա Ղափլանյանը, Լիդիա Օռլովանն, Մարիամ Ադամյանը։ Ում մոռացել եմ, կներեք։

Ամենաբարին ես եմ։)

Իմ ամենամտերիմ մարդը  Իննան է։

Մարդ, ում հետ շփումը չի ստացվում չկա։

Ամենաշատն ուշանում է  չեմ ֆիքսել։

Ամենաբարդ տեսարանը...  բարդ են տեսարանները, երբ դերասանները շատ են։

Ամենավատ նկարահանման օրը չի եղել, որովհետև ես մեծ սիրով եմ գալիս։

Ամենալավ նկարահանման օրն Իննայի ծննդյան օրն էր, երբ անակնկալ մատուցեցինք իրեն։ Շատ լավ անցավ։Ես էլ նոր էի սկսել նկարահանվել այդս ֆիլմում։

Կոնֆլիկտներ...  ինձ հետ կապված դեռ չի եղել։

 

Լուսանկարները` Շաքե Հովհաննիսյանի և Ամինա Ավագյանի