7 տարի անց․․․ Հայաստանի հավաքականի հաջողությունը կախված է Ռուսաստանից

1in.am /

2012 թվականի ֆուտբոլի Եվրոպայի առաջնության ընտրական փուլում Հայաստանի ազգային հավաքականը բացառիկ հնարավորություն ուներ ենթախմբում երկրորդ հորիզոնականը գրավելու: Պատմական արդյունք ցույց տալու համար 2011 թվականի հոկտեմբերի 11-ին մեր հավաքականը Դուբլինի «Ավիվա» մարզադաշտում պետք է հաղթեր Իռլանդիային: Հաղթանակն իրատեսական էր, սակայն հանդիպման 26-րդ րոպեին մնացինք առանց դարպասապահ: Գլխավոր մրցավար Իտուրալդե Գոնսալեսը դաշտից հեռացրեց Ռոման Բերզովսկուն: Վերջինիս փոխարինած Արսեն Պետրոսյանը անփույթ խաղով իռլանդացիներին նվիրեց երկրորդ գոլը:

Եթե Իռլանդիայի հետ խաղում ունենայինք փոխարինող դարպասապահ հնարավոր է բոլորովին այլ գրանցվեր: Թեկուզ 10 ֆուտբոլիստներով մեր հավաքականը չզիջեց մրցակցին: Իռլանդիայից կրած պարտությունը թերևս ամենացավալին է մեր ազգային թիմի պատմության մեջ: Իռլանդիայի հետ հանդիպումից 7 տարի անց Հայաստանի ազգային հավաքականը կրկին ստացել է բացառիկ հնարավորություն հայտնվելու Եվրոպայի առաջնության եզրափակիչ փուլում: Ազգերի լիգայի խաղարկությունում ունենք իրական հնարավորություն հաղթահարելու խմբային փուլի արգելքն ու եկող տարի պայքարը շարունակելու փյել-օֆում: Եթե 7 տարի առաջ ունեինք Բերեզովսկի և Իռլանդիայի հետ խաղում չունեինք միայն փոխարինող դարպասապահ, ապա հիմա՝ կարևորագույն մրցաշարի շեմին դարպասապահ ընդհանրապես չունենք:

Բերեզովսկու կարիերան ավարտելուց հետո Հայաստանի ազգային հավաքականն ըստ էության դարպասապահ չի ունեցել: Կարելի է առանձնացնել թերևս Գևորգ Կասպարովին, որը սակայն հայտնի պատճառով Հայաստանի հավաքականում չի խաղում: Ընդունենք, որ ընտրական վերջին երկու շրջափուլերում մեր ազգային հավաքականի խայտառակ ելույթի գլխավոր պատճառներից մեկը հենց դարպասապահ չունենալն էր:

Փետրվարի 15-ին ռուսական «Տոսնո» թիմը հավաք է անցկացնելու Թուրքիայում: ՀՖՖ նախագահ Ռուբեն Հայրապետյանի հանձնարարությամբ, ՀՖՖ փոխնախագահ Աշոտ Մանուկյանը հանդիպելու է «Տոսնոյի» դարպասապահ Դավիթ Յուրչենկոյի հետ: Հանդիպման ընթացքում քննարկվելու են Յուրչենկոյի Հայաստանի ազգային հավաքականում խաղալու վերաբերյալ հարցերը և պայմանները: Յուրչենկոն այս պահին մեր հավաքականի միակ հույսն է: Հաշվի առնելով անցյալի դառը փորձը ՀՖՖ-ը նախագահը ամեն գնով փորձում է ուղիներ փնտրել այս դարպասապահին Հայաստանի հավաքական բերելու:

«Յուրչենկոն պետք է հիմա հավաքականին, եթե չեկավ, ապա հավաքականի երեսն այլևս չի տեսնի։ Նա մեզ պետք է Չեռնոգորիայի, Դանիայի և Լեհաստանի հավաքականների հետ խաղերի համար»,- աշխարհի առաջնության ընտրական փուլի՝ Մոնտենեգրոյի հետ հունիսին տեղի ունեցած հանդիպումից առաջ ասել էր Ռուբեն Հայրապետյանը:

Ցավոք, այսօր Յուրչենկոյից բացի ուղղակի չկա դարպասապահ, որի խաղամակարդակը թույլ է տալիս կրելու մեր ազգային թիմի մարզաշապիկը: Պետք է գիտակցենք, որ խոսքը գնում է ոչ թե պաշտպանի, կիսապաշտպանի կամ հարձակվողի, այլ դարպասապահի մասին: Հայտնի ասացվածքի համաձայն լավ դարպասապահը թիմի կեսն է: Տարիներ շարունակ Յուրչենկոն դրական վերաբերվելով Հայաստանի հավաքականից ստացված հրավերին հայտարարում է, որ չի միանում մեր ազգային թիմին Ռուսաստանում լեգեոների կարգավիճակ ստանալու պատճառով: Յուրչենկոն նշել էր, որ Հայաստանում խաղալու դեպքում հնարավոր է կորցնի իր տեղը թիմի հիմնական կազմում:

Հիշեցնենք, որ Ռուսաստանի առաջնությունում գործում է լեգեոներների սահմանափակում, իսկ Յուրչենկոն այս պահին ունի ռուսական ֆուտբոլային քաղաքացիություն: Անցյալ տարի տարածվեցին լուրեր, որ Հայաստանի հավաքականում խաղալու համար Յուրչենկոն ՀՖՖ-ից 100 հազար դոլար է պահանջել: Ինչ խոսք սա այնքան էլ ընդունելի մոտեցում չէ: Միևնույն ժամանակ ընդունենք սակայն, որ ստեղծված իրավիճակում ավելի լավ կլներ բավարարել Յուրկենկոյի պահանջը, քան սեպտեմբերին կայանալիք Մակեդոնիայի հետ կարևորագույն մրցավեճում խաղադաշտում տեսնենք Արսեն Բեգլարյանին: Շատ է խոսվում, որ ամռանը կայանալիք աշխարհի առաջնությունից հետո Ռուսաստանում կգործի լեգեոներների վերաբերյալ այլ օրենք և Յուրչենկոն, Խորեն Բայրամյանը և հայազգի բազմաթիվ այլ ֆուտբոլիստներ ևս կկարողանա միանալ Հայաստանի հավաքականին:

Ցավալի է իհարկե, բայց այս պահին Հայաստանի հավաքականի հաջողությունը կախված է Ռուսաստանից: Ու քանի դեռ լեգեոներների վերաբերյալ նոր օրենքը կյանքի չի կոչվել մեր առաջնային նպատակը պետք է լինել Յուրկենկոյին ամեն գնով համոզելը: Առաջիկա մարտին մեր հավաքականը Երևանում երկու ընկերական հանդիպում է անցկացնելու Էստոնիայի և Լիտվայի հետ: Հուսանք, որ ՀՖՖ փոխախագահի բանակցությունը Յուրչենկոյի հետ հաջող կլինի և այդ խաղերում այդ խաղում Հայաստանը կունենա դարպասապահ:

Այս թեմայով Նորություններ Մխիթարյանի առողջական վիճակից Ռոնալդուն առաջին անգամ կարող է պահեստայինների նստարանին մնալ «Ժամանակն է, որ միջազգային հանրությունը ճանաչի մարդկության դեմ այս հանցագործությունը». Հենրիխ Մխիթարյան Մխիթարյանը հայտարարություն է տարածել Բերեզովսկին վերադառնում է. հայտնի է, թե ովքեր կօգնեն Մինասյանին