Մինետի ու կունիլինգուսի պատճառով գնալով ավելի մեծ թվով երիտասարդներ են քաղցկեղով տառապում. իմացեք ախտանշանները

Երիտասարդների շրջանում ուռուցքային հիվանդությունների աճը կապված է օրալ սեքսի հետ, կարծում են Լիվերպուլի Քաղցկեղի հետազոտական կենտրոնի բրիտանացի գիտնականները:

Գիտնականների խոսքով՝ օրալ սեքսի միջոցով տարածվող ինֆեկցիան երիտասարդների մոտ բերանի խոռոչի քաղցկեղի զարգացում է առաջացնում՝ չարորակ նորագոյացություն, որն ախտահարում է շրթունքները, բերանի խոռոչի ներքին մակերեւույթները, ըմպանի հետին պատը, նշիկները եւ թքագեղձերը:

Ուռուցքաբան Սյու Պովալը հայտարարել է, որ մարդու պապիլոմայի վիրուսի (ՄՊՎ) որոշ շտամներ կարող են քաղցկեղ առաջացնել: Իր հերթին, ՄՊՎ-ն սեռական ճանապարհով փոխանցվող ամենատարածված վիրուսային ինֆեկցիան է: Վիրուսը հետապնդում է սովորաբար սեռապես ակտիվ տղամարդկանց եւ կանանց, եւ սեռական շփման ժամանակ հեշտությամբ է փոխանցվում զուգընկերոջից զուգընկերոջը:

Օրինակ՝ վերջերս ամերիկացի դերասան Մայքլ Դուգլասը խոստովանել է, որ իր մոտ կոկորդի քաղցկեղը զարգացել է օրալ սեքսի ժամանակ «որսած» ՄՊՎ հետեւանքով: Բերանի խոռոչի ժամանակին չախտորոշված քաղցկեղը կարող է մահվամբ ավարտվել, իսկ այս հիվանդության դեպքում հնգամյա վերապրելիությունը ընդամենը 50 տոկոս է կազմում:

Վերապրելիության նման ցածր մակարդակը կապված է վաղ ախտորոշման բացակայության հետ, իսկ այս հիվանդության վաղ դրսեւորումները գործնականում անհնար է տնային պայմաններում հայտնաբերել եւ, որպես կանոն, որոշվում են ատամնաբույժին այցելելիս:

Պետք է զգուշացնեն եւ բժշկի դիմելու ստիպեն հետեւյալ ախտանիշները.

Շրթունքին, լնդին կամ բերանի խոռոչի լորձաթաղանթին չլավացող արյունահոսող խոց;
Այտի ներսի կողմի կոշտացում կամ ուռածություն, որը լեզվով շոշափվում է;
Բերանի խոռոչի ցանկացած հատվածում զգայունության կորուստ կամ թմրում;
Շրթունքներին, լեզվի վրա կամ բերանի խոռոչի լորձաթաղանթին սպիտակ կամ կարմիր բծեր;
Սնունդը ծամելու կամ կլլելու դժվարություններ;
Բերանի խոռոչում ցավի զգացողություններ կամ առանց պատճառի ցավ;
Առանց նկատելի պատճառի զգացողություն, թե կոկորդում ինչ-որ բան է խցանվել;
Պրոթեզը տեղաշարժելիս ծնոտի այտուց;
Ձայնի փոփոխություն:

Այս թեմայով Էմիլի Ռատակովսկին պաղպաղակ է ուտում ու մեքենայի մեջ սեքսով զբաղվում (Video) Ինչ հետևանքների կարող է բերել հեշտանքի բացակայությունը ինտիմ հարաբերությունների ժամանակ Համակուրսեցիների սեռական սկանդալը ձեզ շոկի կենթարկի. կադրերը համացանցում են. ՏԵՍԱՆՅՈՒԹ Սեքսոլոգները բացատրել են, թե ինչու են կանայք օրգազմ ձևացնում «Ցանկանում եմ կնոջս և մեկ այլ տղամարդու հետ սեքս անել. հայ տղայի սանձարձակության կադրերը հայտնվել են համացանցում. ՏԵՍԱՆՅՈՒԹ չափահասների համար