Մանկապարտեզում մահացած աղջնակի հայրը պատմել է դեպքի հանգամանքները

Նոր Մոսկվայի մանկապարտեզում մահացած երեքամյա աղջկա հայրը՝ Նիյազի Ռզաեւը պատմել է դստեր եւ նրա մահվան հանգամանքների մասին, հաղորդում է «ՌԻԱ Նովոստի»-ն։

Ռզաեւների ընտանիքը մայրաքաղաք էր տեղափոխվել երկու տարի առաջ, ընտանիքում երեք երեխա կա․ ավագը՝ 9-ամյա դուստրը դպրոց է գնում, միջնեկ վեցամյա որդին հաճախում է նույն մանկապարտեզը,ինչ կրտսեր դուստրը։

Հոր խոսքերով, աղջկան դուր չէին գալիս դաստիարակիները, քանի որ նրանք բղավում էին մյուս երեխաների վրա: Մանկապարտեզի աշխատակիցները, սակայն, հերքել են այդ եւ հավաստիացրել ծնողներին, որ դաստիարակները ոչ ոքի չեն նեղացնում: Ռզաեւը խոստովանել է, որ դուստրը կարող էր մի փոքր քմահաճ լինել, սակայն մանկապարտեզում շատ ժամանակ չէր անցկացնում՝ մինչեւ առավոտյան ժամը 12.30-ը:

Հենց մոտավորապես նույն ժամանակ էլ նրան զանգահարել էին փետրվարի 16-ին։

«Ես աշխատանի էի։ Զանգեցին եւ ասացին, որ պետք է շտապ գնամ այնտեղ։ Գնացի տեսնեմ պառկած է առանց գիտակցության։ Ասացին, որ երեխան փողոցում խաղացել է եւ գիտակցությունը կորցրել»,-պատմել է հայրը։

Նրա խոսքով՝ մեկ ամիս առաջ դուստրն անալիզներ էր տվել, առողջ էր։

Նախօրեին՝ փետրվարի 16-ի առավոտյան, դաստիարակները կրտսեր երեխաների խմբի հետ զբոսանքից վերադառնալով, նկատել էին երեխաներից մեկի բացակայությունը: Փողոց դուրս գալով՝ նրանք գտել էին 2014 թվականին ծնված աղջկան՝ անգիտակից ձյան մեջ պառկած: Մանկապարտեզի աշխատակիցներն անմիջապես «շտապօգնություն» էին կանչել, որը արձանագրել էր երեխայի մահը:

Այս թեմայով «Հետևում ենք»․ հայաստանյան իրադարձությունները՝ Մոսկվայի ուշադրության կենտրոնում Ադրբեջանում 15-ամյա աղջկան հայրը, եղբայրն ու հորեղբայրը պարբերաբար բռնաբարել են Մոսկվան շտապում է. ինչ զորք է բերվում Հայաստան Համացանցում է հայտնվել մեկ տարի հարազատ աղջկան բռնաբարած հորը ծեծելու տեսանյութը 17-ամյա աղջկան բռնաբարած երկու տղամարդուն մերկացրել են ու դուրս հանել փողոց (տեսանյութ)