10 պատճառ սուրճ խմելու համար

Շատերի համար արդեն պարտադիր սովորություն է դարձել առավոտյան սուրճ խմելը, քանի որ առանց այդ անուշաբույր ըմպելիքի շատ դժվար է արթնանալը: Սակայն սուրճն օժտված է նաև այլ օգտակար հատկություններով, որոնց մասին շատերը չգիտեն: Ձեզ ենք ներկայացնում սուրճ ըմպելու 10 կարևոր պատճառ․

1. Սուրճը հակաօքսիդանտների հիմնական աղբյուրն է

Մարդն ավելի շատ հակաօքսիդանտներ է ստանում սուրճից, քան բանջարեղենից ու մրգերից:

2. Սուրճի բույրն ունենում է հակասթրեսային ազդեցություն

Հարավկորեացի գիտնականները հայտնաբերել են, որ սուրճի բույրը յուրահատուկ կերպով է ազդում ուղեղի լարվածության հետ կապված սպիտակուցների վրա և օգնում է մտածել ավելի դրական բաների մասին:

3․ Սուրճը մեղմում է Պարկինսոնի հիվանդության դրսևորումները

2012 թվականին Science Daily ամսագրում հրապարակված մի հոդվածի համաձայն՝ սուրճն օգնում է Պարկինսոնի հիվանդությամբ տառապողներին ավելի լավ կառավարել շարժումները:

4. Սուրճն օգտակար է լյարդի համար (հատկապես ալկոհոլի չարաշահման դեպքում)

22 տարի տևած հետազոտության արդյունքները ցույց են տվել, որ օրական գոնե մեկ բաժակ սուրճ ըմպելը 20%-ով նվազեցնում է լյարդի ցերոզի առաջացման վտանգը: Նշենք, որ ուսումնասիրությանը մասնակցել է 125 հազար կամավոր:

5. Սուրճը նվազեցնում է ինքնասպանության հակումը

Օրական 2-4 բաժակ սուրճ խմելը կարող է նվազեցնել ինքնասպանության վտանգը 50%-ով:

6. Նվազեցնում է մաշկի քաղցկեղի առաջացման հավանականությունը

Սուրճը նվազեցնում է կանանց մոտ մաշկի քաղցկեղի առաջացման հավանականությունը:

7. Բարելավում է մարզավիճակը

Կոֆեինը բարձրացնում է արյան մեջ ճարպաթթուների մակարդակը, ինչը հնարավորություն է տալիս մկաններից կլանել ու այրել ճարպերը և վերածել էներգիայի: Սա պահպանում է օրգանիզմի ածխաջրերի պաշարը և թույլ է տալիս օգտագործել դրանք ավելի ուշ:

8. Նվազեցնում է շաքարային դիաբետի առաջացման հավանականությունը

Գիտնականները պարզել են, որ օրական 4 բաժակ սուրճ խմելը 50%-ով նվազեցնում է 2-րդ տիպի շաքարային դիաբետի առաջացման վտանգը:

9. Սուրճը շատ օգտակար է գլխուղեղի համար

CNN հեռուստաընկերությունն ապացուցել է, որ սուրճը բարձրացնում է մարդու գլխուղեղի աշխատանքի արդյունավետությունը:

10. Սուրճը երջանկացնում է

Առողջապահության Ամերիկյան ազգային ինստիտուտում արված ուսումնասիրությունները ցույց են տվել, որ շաբաթական գոնե 4 բաժակ սուրճ խմող մարդիկ 10%-ով քիչ են հակված դեպրեսիաների, քան նրանք, ովքեր ընդհանրապես չեն խմում սուրճ: