«Կարո՞ղ եմ գրկել ձեզ». Մոուրինյոն՝ լրագրողին / տեսանյութ

«Մանչեսթեր Յունայթեդի» գլխավոր մարզիչ Ժոզե Մոուրինյոն իսպանական «Սեւիլիայի» հետ Չեմպիոնների լիգայի 1/8 եզրափակիչի առաջին խաղից հետո շնորհակալություն է հայտնել լրագրողին, որը հարցրել է անգլիացի 21-ամյա կիսապաշտպան Սքոթ Մաքթոմինեյի մասին։

«Կարո՞ղ եմ գրկել Ձեզ։ Շնորհակալություն։ Այ սա հարց է։ Քիչ առաջ ես մասնակցում էի մամուլի ասուլիսին, որտեղ ինձ բոլորը հարցնում էին Պոլ Պոգբայի մասին։ Հարցերը պետք է լինեին այս տղայի մասին։ Կարծում եմ՝ Մաքթոմինեյն անցկացրեց ֆանտաստիկ հանդիպում եւ ամեն բան ճիշտ կատարեց։ Սքոթը մեծ ճնշում էր գործադրում Էվեր Բանեգայի վրա։ Շատ կարեւոր էր կանգնեցնել «Սեւիլիայի» փլեյմեյքերին։ Սքոթը հուսալի էր գործում նաեւ գնդակի վերահսկման ժամանակ։ Նա հրաշալի տեսք ուներ»,- ասել է Մոուրինյոն, փոխանցում է Daily Mail-ը։

Հիշեցնենք, որ Սեւիլիայում կայացած խաղում Մոուրինյոն դարձյալ պահեստայինների թվում էր թողել ֆրանսիացի կիսապաշտպան Պոլ Պոգբային, որը 17-րդ րոպեին փոխարինեց վնասվածք ստացած Անդեր Էրերային։ Հանդիպումն ավարտվել էր 0։0 հաշվով։ «Մանչեսթեր Յունայթեդի» եւ «Սեւիլիայի» միջեւ պատասխան խաղը կկայանա մարտի 13-ին Անգլիայում:

Այս թեմայով Ֆուտբոլիստը թքել է «Մանչեսթեր Սիթիի» տարբերանշանի վրա․ Տեսանյութ Մոուրինյոն կհեռանա, եթե․․․ Մոուրինյուն խաղից հետո մտել է «Սևիլիայի» հանդերձարան Ջեյմի Կարագերը թքել է MU-ի երկրպագուի և նրա 14-ամյա դստեր վրա (տեսանյութ) «Մանչեսթեր Յունայթեդ»-ն ուլտիմատում է տվել Պոգբային