EnterTrain-ը ներկայացնում է Բոլիվուդի լեգենդար դերասանուհիներից մեկին՝ Հեմա Մալինիին: Նրա մասնակցությամբ ֆիլմերից ամենահայտնին «Զիտա և Գիտան» է, որում Հեման մարմնավորեց 2 գլխավոր հերոսուհիներին՝ երկվորյակ աղջիկներին: Ֆիլմն էկրան բարձրացավ 1972 թ.՝ միանգամից կինովարձույթի հիթ դառնալով:
Անցած 45 տարիներին Հեման նկարահանվեց 160 ֆիլմերում, ամուսնացավ և 2 դուստր ունեցավ, տատիկ դարձավ: Իրեն փորձեց նաև որպես պրոդյուսեր, խորհրդարանական, քաղաքական գործիչ: 69-ամյա Հեմայի լուսանկարները նայելիս կասկածում ես այս թվի հարցում: Նա հրաշալի տեսք ունի, հրաշալի կամզվածք, կեցվածքը նույնքան հարթ է: Ասում է, որ այսպիսի հաջողություններ ունի ճիշտ սնվելու, յոգայի և պարերի շնորհիվ:
Պարերը Հեմայի գլխավոր սիրելի զբաղմունքն են մանկուց: Ամենահայտնի պարողների մոտ սովորելու շնորհիվ՝ նա կատարելապես տիրապետում է հնդկական դասական պարի մի քանի ուղղության: Հիմա նա երբեմն դուստրերի հետ հանդես է գալիս պարային ծրագրերում:
Հեմայի սերը դերասան Դհարմենդրան է, ով նրա հետ նկարահնավեց 28 ֆիլմերում:
Այդ ամուսնությունը կարող էր չլինել խավերի, տարիքների և ընտանեկան դիրքերի տարբերոթյունների պատճառով. տղամարդն ավելի ցածր խավից էր, 13 տարով մեծ էր և ամուսնացած: Հեման համառորեն մերժում էր բոլոր փեսացուներին, որոնց առաջարկում էր հայրը, ով կտրականապես դեմ էր Դհարմենդրայի հետ կապին:
Հնդկակակն ռոմանտիկ ֆիլմերի սցենարը կրկնվեց դերասանների կյանքում՝ 1980 թ. մայիսին նրանք պաշտոնապես ամուսնացան: Լուռ, համեստ, ընտանեկան մթնոլորտում: Ամուսինները միասին երջանիկ են արդեն 30 տարի: Դուստրերից մեկը դերասանուհի է:
90-ական թթ. Հեման հիմնեց Hema Malini creations ընկերությունը, իրեն փորձեց որպես ֆիլմերի պրոդյուսեր և ռեժիսոր: Պետական մակարդակով առանձնացվեց Հնդկաստանի կինեմատոգրաֆիայի զարգացման մեջ ներդրման համար:
Մալինին 2 տարի գլխավորեց Հնդկաստանի համազգային կուսակցություններից մեկը:
2012 թ. Հեման թողեց դերասանական կարիերան, բայց հաճախ մասնակցում է փառատոնների, միջոցառումների: Նա ամուսնու հետ հաճախ հյուր է լինում միջոցառումների, համերգների, փառատոնների:
1
2
3
4
5
1
3
5
2
