«Այդ պահին սկսեցի ապրել». Եվա Զոհրաբյանն անկեղծացել է

NEWS.am STYLE-ն իր ընթերցողներին է ներկայացնում «Առաջին անգամ» խորագիրը, որի նպատակն է հարցերի միջոցով պարզել, թե երբ են մեր հայտնիներն առաջին անգամ սիրահարվել, սեր խոստովանել, հիասթափվել եւ այլն:

Մեր խորագրի այսօրվա հերոսուհին «Երանի», «Ոսկե դպրոց» եւ «Քավարան» հեռուստասերիալներից հայտնի դերասանուհի Եվա Զոհրաբյանն է:

Ե՞րբ առաջին անգամ հասկացաք, որ պետք է դառնաք դերասանուհի:

Չեմ հասկացել, զգացել եմ:

Ո՞ւմ եք առաջինը պատմում Ձեր կյանքում տեղի ունեցող նորությունները:

Մայրիկիս:

Առաջին անգամ ո՞ր տարիքում եք սիրահարվել:

Տարիքս չեմ հիշի. հիշում եմ՝ այդ պահին սկսեցի ապրել:

Ե՞րբ եք առաջին անգամ սեր խոստովանել:

Վերջերս:

Ե՞րբ են առաջին անգամ Ձեզ սեր խոստովանել:

Երբ չէի սպասում:

Առաջին հիասթափությունը...

Երբ ֆիլմում իմ սիրած հերոսը մահացավ:

Ձեզ հանդիպած առաջին դժվարությունը: Ինչպե՞ս եք այն հաղթահարել:

Երբ հասկացա, որ մասնագիտությունս քրտնաջան աշխատանք է... Մինչեւ հիմա հաղթահարում եմ սիրով:

Նկարահանվելու առաջին առաջարկը:

Մերժել եմ…

Առաջին մեծ հաջողությունը:

Երբ ներկայացումիցս հետո անծանոթ մի ծեր պապիկ ծաղիկ նվիրեց:

Ձեզ համար առաջնային է...

Սերը: