Մայրն աղջկան «բուժում էր»՝ իր մեթոդով. աղջիկը հիվանդանոցում մահացավ

Հետաքննչական կոքմիտեն պարզում է Մերձմոսկվայի Ռոշալ քաղաքի 37-ամյա բնակչուհու մահվան պատճառը, ում մասին կպատմի EnterTrain-ը: Մի քանի օր առաջ Իրինա Մոսկվիտինան հիվանդանոց հասցվեց անգիտակից վիճակում: Իրինայի դաստակներին սեղմման հետքեր են հայտնաբերել, կապտուկներ՝ գլխի հատվածում: Կինը մահացավ՝ ուշքի չգալով:

Ոստիկանները ժամանեցին Իրինայի մոր տուն և «այնտեղ հայտնաբերեցին դժոխքի ստորաբաժանում՝ շղթաներ, ձեռնաշղթաներ, ինչ-որ փայտիկներ և շատ արյուն ամենուր»: Իրավապահներին դիմեցին հարևանները, ովքեր հաճախ բողոքում էին այդ բնակարանից եկող սկանդալներից, բղավոցներից և ամուկից:

Ոստիկանները հայտնեցին, որ մահացածն ամուսնացած է, բայց վերջերս մոր հետ էր ապրում: Հարևանները պատմեցին, որ Մոսկվիտինան շատ խիստ մայր ուներ: Աշխատանքի գնալուց առաջ նա Իրինային շղթայում էր, որպեսզի աղջիկը ցոփ կյանք չվարեր:

Իրինա Մոսկվիտինան՝ ամուսնու հետ

Իրինայի համադասարանցի Միխայիլի խոսքով՝ դպրոցում նա համեստ էր, չէր խմում և չէր ծխում, իսկ մայրն ադեկվատ և հանգիստ էր:

Դպրոցից հետո Իրինան տեղափոխվեց Մոսկվա, Մոսկվայի պետական համալսարան ընդունվեց, գնաց աշխատելու մոսկովյան դպրոցներից մեկում: Այդ ժամանակ նա ամուսնացավ և ամուսնու հետ բնակարան գնեց:

ԶԼՄ-ներն իրադարձությունների հետագա զարգացման վերաբերյալ տարբեր վարկածներ ունեն:

Վարկած № 1՝ հեռացում, պարտքեր, թմրագաղութ
5 տարի առաջ Իրինայի մայրը սկսեց նկատել նրա տարօրինակ վարքը: Աղջիկը սկսեց փախչել աշխատանքից և մեծ պարտքեր կուտակեց: Մեկ տարի անց մայրն իմացավ, որ իր աղջիկը թմրանյութեր է գործածում:

Շուտով Իրինային հեռացրին, մոր բնակարանը ոստիկանական փաստաթղթերում արձանագրեցին որպես թմրագաղութ:

Վարկած № 2՝ օրինակելի կին և աշխատակցուհի
Մահացածի նախկին գործընկերուհու խոսքով՝ Մոսկվիտինան լավ աշխատակից էր:

Նրա ծանոթներն ասում են, որ Իրինայի խնդիրները սկսվեցին ոչ թե 5 տարի առաջ, այլ 2018 թ. սկզբին՝ ամուսնուց բաժանվելուց հետո:

Ոստիկանները չեն շտապում մորը կասկածել Իրինայի մահվան համար: Աղբյուրի խոսքով՝ կինն իսկապես դստերը կապում էր անկողնուց, որովհետև նա անհույս թմրամոլ էր, իսկ ընտանիքը բուժման համար միջոցներ չուներ:

Փորձաքննության նախնական տվյալներով՝ Իրինայի ներքին օրգանները վնասված չէին: Գերդոզավորումն էլ են բացառում, քանի որ թարմ թմրանյութ արյան մեջ չհայտնաբերվեց: