«Ինքն է մեղավոր»․ Ամավին՝ Նեյմարի մասին․ Տեսանյութ

«Մարսելի» ֆրանսիացի պաշտպան Ժորդան Ամավին անդրադարձել է ՊՍԺ-ի բրազիլացի հարձակվող Նեյմարի վնասվածքին։ 26-ամյա բրազիլացին ոտքը վնասել էր «Մարսելի» դեմ ֆուտբոլի Ֆրանսիայի առաջնության 27-րդ տուրի խաղում (3։0), որում 77-րդ րոպեին դաշտը լքել էր պատգարակով։ Հանդիպումից հետո ՊՍԺ-ի ավագ Տյագո Սլվան հայտարարել էր, որ «Մարսելի» խաղացողները «որս» էին սկսել Նեյմարի նկատմամբ։

«Մենք նորմալ էինք խաղում, Նեյմարն ինքը գնաց խախտման։ Ես ասում եմ այն, ինչ տեսնում եմ դաշտում։ Նա գնդակից ազատվեց ամենավերջին պահին։ Եվ ինչի՞ էր սպասում նա։ Բոլորը գիտեն, որ Նեյմարը տաղանդավոր է, սակայն շատ հեշտ է ընկնում»,- Ամավիի խոսքը մեջբերում է Mirror-ը։

Ըստ նախնական տվյալների՝ Նեյմարի վերականգնման համար կպահանջվի 7-10 օր։ Սպասվում է, որ նա կկարողանա մասնակցել Մադրիդի «Ռեալի» դեմ Չեմպիոնների լիգայի 1/8 եզրափակիչի պատասխան խաղին, որը կկայանա մարտի 6-ին Փարիզում։

Այս թեմայով Ում է փոխարինելու Նեյմարը Ինչպես է պարում Նեյմարը․ տեսանյութ Նեյմարը վիրահատվել է․ մանրամասներ Նեյմարը կվիրահատվի Զիդանը խոսել է Նեյմարի մասին