Դիմակավորված մտել են տուն, ժապավենով կապկպել ձեռներն ու ոտները…

2017 թ. դեկտեմբերի 6-ին, ժամը 17.50-ին, ոստիկանության Մուշի բաժնում 1973 թ. ծնված Ալինա Ա.-ն հաղորդում էր տվել, որ նույն օրը, ժամը 14.40-ի սահմաններում, դիմակավորված երկու անձ մուտքի դուռը թակելով մտել են իր բնակարան, կպչուն ժապավենով կապել իր ձեռքերը և ոտքերը, դանակի սպառնալիքով պահանջել են գումար, հետո բնակարանից հափշտակելով տարբեր տեսակի ոսկյա զարդեր, բիժուտերիա, մուշտակ և 60.000 դրամ` դիմել են փախուստի` պատճառելով 2.000.000 դրամի վնաս:

Ձեռնարկված օպերատիվ-հետախուզական և քննչական գործողությունների շնորհիվ պարզվել է, որ Ալինա Ա.-ի նկատմամբ ավազակային հարձակում կատարած անձանցից մեկը 1976 թ. ծնված Արմեն Թ.-ն է:

Փետրվարի 27-ին, ժամը 14.45-ին, Արմեն Թ.-ն Գյումրիի Շիրակացու փողոցի շենքերից մեկից բերման է ենթարկվել ոստիկանության Մուշի բաժին և ներկայացվել Շիրակի մարզի քննչական վարչություն:

Ձեռնարկվում են միջոցառումներ գողոնը և հանցագործությունը կատարած երկրորդ անձի ինքնությունը պարզելու և հայտնաբերելու ուղղությամբ:
Արմեն Թ.-ն ձերբակալված է:
Կատարվում է նախաքննություն:

Այս թեմայով Քաղաքացիները ծեծել են Կոմիտասի վրա աղջիկներից ոսկե շղթա գողացողներին․ տեսանյութ Երևանում հարձակվել են 33-ամյա աղջկա վրա Մանրամասներ բենզալցակայանում կատարված ավազակային հարձակումից. կասկածյալները վնասազերծվել են. ՏԵՍԱՆՅՈՒԹ Բացառիկ կադրեր Երևանում տեղի ունեցած հանցագործությունից․ տեսանյութ Ես ամաչում եմ ընտանիքիս, իմ մանկան աչքերին նայել… Ես անվերջ դատապարտված եմ իմ խղճի կողմից.«Հայագրոբանկի» 26-ամյա անվտանգության աշխատակիցը խոշտանգելով սպանել է գործընկերոջը