Ինչ ազդեցություն ունի կրծքով կերակրելը կնոջ սրտի վրա

Եթե կինը երեխային կրծքով կերակրում է նվազագույնը 6 ամիս, ապա դա նվազեցնում է նրա մոտ առաջիկա 15 տարիներին սիրտ-անոթային հիվանդությունների զարգացման հավանականությունը, պարզել են Պիտսբուրգի համալսարանի գիտնականները:

Ավելին՝ կանանց, որոնք հղիության ժամանակ արյան նորմալ ճնշում են ունեցել, կրծքով կերակրելը 6 ամիս օգնել է մեծացնել, այսպես կոչված, «լավ» խոլեստերինի մակարդակը, ինչպես նաեւ նվազեցնել արյան մեջ շրջանառվող ճարպերի քանակությունը:

Ինչպես ընդգծում են հետազոտության հեղինակները, կրծքով կերակրելը նվազեցրել է նաեւ քներակի կարծրությունը: Այս զարկերակը թթվածնով հարուստ արյուն է մատակարարում գլխին ու պարանոցին, եւ որքան առաձգական ու առողջ է, այնքան փոքր է կաթվածի հավանականությունը:

Հետազոտության արդյունքները միանշանակ վկայում են, որ կրծքով կերակրելն անչափ կարեւոր է ոչ միայն երեխայի, այլ նաեւ մոր համար: Կրծքով կերակրելն օժտված է կանանց վրա կարդիոպրոտեկտոր ազդեցությամբ՝ թույլ տալով նվազեցնել առողջության եւ կյանքի համար վտանգավոր հիվանդությունների հավանականությունը: Դրանից բացի, կրծքի կաթով կերակրելը խթանում է օկսիտոցին հորմոնի արտադրումը, որը կարեւոր դեր է խաղում արյան ճնշման նվազեցման գործում:

Ի դեպ, գիտնականներն ընդգծում են, որ սրտի առողջության ամրապնդման գործում կրծքով կերակրելու բոլոր առավելությունները ստանում են միայն այն կանայք, որոնք հղիության ընթացքում արյան բարձր ճնշմամբ չեն տառապել, այսինքն՝ չեն բախվել պրեէկլամպսիայի հետ: Այս խանգարման առկայության դեպքում կրծքով կերակրելը ոչ մի կերպ չի ազդել հետագայում կաթվածներին բախվելու հավանականության վրա:

Այս թեմայով Lunya-ն հեշտացրել Է մեծ կրծքով կանանց գիշերային կյանքը Գլյուկոզան կրկին ներկայացել է առանց ներքնազգեստի (լուսանկար) Սմարթֆոնը վնաս է կաթնագեղձին. հետազոտություն Աղջիկն ունի հիանալի և պիրկ կուրծք, որովհետև պահպանում է հետևյալ կանոնները Կինն ինքնուրույն իր կրծքից հեռացրել է սիլիկոնները (լուսանկարներ)