Ինչը ստիպեց Արծվիկի փեսացուին՝ ամուսնության առաջարկություն անել․ երգչուհին անկեղծանում է

«Եվրատեսիլ 2017» մրցույթում Հայաստանը ներկայացրած Արծվիկն այսօր՝ մարտի 5-ին, տոնում է ամուսնության 2-ամյակը: Երգչուհին այդ կապակցությամբ իր Instagram-ում հարսանեկան լուսանկարներ է հրապարակել, որոնց կից մանրամասներ է ներկայացրել ամուսնու՝ Հարությունի հետ ծանոթության մասին:

Արծվիկը պատմել է, որ իր գործարար ամուսնուն հանդիպել է 15 առաջ՝ Սարատովում, հարսանյաց երեկույթի ժամանակ։ Զույգը սկսել է շփվել հանդիպումից միայն մեկ տարի անց՝ Вконтакте սոցցանցում։ Սակայն ամենազավեշտալին եղել է Հարությունի ամուսնության առաջարկությունը:

«Ամուսնության առաջարկությունը շատ անսպասելի է եղել ինձ համար: Քանի որ մեր հարաբերությունները բավականին երկար էին շարունակվում, ես սպասում էի առաջարկության:

Իմ ամուսնու մոր, իսկ հիմա արդեն իմ սիրելի եւ հարգելի սկեսրոջ, մեկնելու կապակցությամբ մենք նրանց տանն ընթրիքի էինք հրավիրված, որի ընթացքում նրա փոքրիկ զարմիկը միանգամայն անսպասելի եւ անհաջող հարվածեց ձեռքով իմ աչքին: Ցավն անտանելի էր, ստիպված էի ամբողջ օրը սառույցով փաթեթ դնել աչքիս եւ տրամադրություն չունեի: Բայց հետո ամեն ինչ ընթացավ հեքիաթի նման: Իմ արքայազնը բռնեց իմ ձեռքն ու ասաց՝ «դե ինչ, բռնվեցիր», եւ մատանին դրեց մատս: Ահա այսպես է ամեն բան ստացվել»:

Ավելի վաղ Արծվիկն Իտալիայում իր գաղտնի հարսանիքի մասին պատմել էր Hello.ru-ին։

«Մեր հարսանիքն Իտալիայում իսկական անակնկալ էր մեր բարեկամների եւ ընկերների համար։ Եղան բազմաթիվ զանգեր, շնորհավորանքներ եւ հարցեր, թե ինչու ենք մենք գաղտնի ամուսնացել, միայն երկուսով եղել արարողությանը՝ առանց հյուրերի...Պատասխանը մեկն էր՝ այդ օրը մենք պարզապես ցանկացել ենք վայելել միմյանց»,-նշել է Արծվիկը։

Այս թեմայով Կինն՝ ինչպես ավտոմեքենա․ ինչու հարուստները սիրելով չեն ամուսնանում Իդեալական են. հորոսկոպի 5 ամենաներդաշնակ զույգերը Ողբերգություն հարսանիքի ժամանակ․ ճանապարհին ավելի քան 20 մարդ է զոհվել Հարսը նետեց ծաղկեփունջը. մի քանի վայրկյան անց հյուրերը սարսափած գոռգոռում էին. տեսանյութ Ովքեր են ամենաեջանիկն՝ ամուսնության մեջ․ հետազոտության անսպասելի արդյունքները