Life.panorama.am-ի նոր` «Ե՞րբ է կինը երջանիկ» շարքի այսօրվա զրուցակիցը դերասանուհի Լուսին Վարդանյանն է, ով անկեղծ է իր մտքերում եւ մշտապես պատրաստ է ազնվորեն պատմել ինչպես անձնական խնդիրների, այնպես էլ իր երջանկության մասին:
- Լուսին, շարքի խորագրին համապատասխան, ուզում եմ լսել քո պատասխանը ` ե՞րբ է կինը երջանիկ` քո օրինակով եւ քո պատկերացմամբ:
- Ինչքան էլ այսօր ասենք, որ կինն ու տղամարդը 21-րդ դարում հավասար են, միեւնույն է, բնությունից կինը միշտ տղամարդու կողմից պաշտպանության, քնքշանքի կարիք է զգում: Կինը երջանիկ է այն ժամանակ, երբ զգում է, որ տղամարդու կողմից գնահատված է, հարգված, սիրված, մեծարված թե խոսքով, թե ամենակարեւորը` գործով, վերաբերմունքով:
- Սեր` սա մեր կյանքի թերեւս գլխավոր իմաստն է: Ի՞նչն է սերը քեզ համար, ո՞րն է դրա ճիշտ դրսեւորումը:
- Գլխավորը սերն է, մեծ սերը բոլոր տեսակի հաջողությունների գրավականն է, իսկ հակառակ սեռին սիրել, նշանակում է ներել, ներել այնպիսի բաներ, որ որեւէ մեկին երբեք չէիր ների... Սիրել նշանակում է անսահման նվիրվել, ապրել սրտով, ապրել դիմացինի ցավով, ուժ տալ դիմացինին, կողքին լինել ամեն հարցում, ոգեւորել ու վեր բարձրացնել: Սերը զորեղ է եւ հաղթող: Նյութականն ու սոցիալականը չեն կարող խանգարել սիրուն, սերը պետք է հաղթի նրանց ու բարգավաճի:
- Լուսին, ո՞րն է քեզ համար տղամարդու մեջ ամենագնահատելի հատկանիշները: Կնոջը ի՞նչ է պետք իր սիրելի տղամարդուց:
- Տղամարդը պետք է ՏՂԱՄԱՐԴ լինի, իր կյանքի բոլոր հարցերում պատասխանատու, իր խոսքին արժեք տա, անի անհնարինը, գնահատող ու հարգող լինի, իր բոլոր դժվարությունների մասին չբարձրաձայնի ու պատվով դուրս գա դրանից, մեծահոգի լինի ու առատաձեռն: Նվիրված լինի իր կնոջը թե հոգեպես, թե ֆիզիկապես, թե մտովի: Կարծում եմ` կնոջն ավելին ոչինչ պետք չէ երջանիկ լինելու համար:
- Վահագնի, ո՞ր հատկանիշն ես ամենաշատը գնահատում, եւ ո՞րի հետ չես համաձայնում:
- Գնհատում եմ այն, որ, երբ ինչ-որ բան ուզում է, անպայման հասնում է դրան: Իսկ նրա բնավորության գծերից համաձայն չեմ, երբ մաքսիմալիստ է դառնում, դա ինձ նյարդայնացնում է:
- Հաճա՞խ եք դու ու Վահագնը զրուցում ձեզ անհանգստացնող խնդիրներից, թե նման դեպքերում երկուսդ էլ ձեր մեջ` լուռ եք փորձում հաղթահարել ու պատասխաններ գտնել:
- Երեւի ավելի շատ երկրորդը, որովհետեւ հաճախ մեր կարծիքները չեն համընկնում ու երկուսս էլ, լավ իմանալով իրար, չենք բարձրաձայնում, բայց աշխատում ենք մոտենալ հարցին այնպես, որ, ի վերջո, լուծվի:
- Լուսին հանուն Վահագնի` հանուն սիրո, ինչի՞ եք պատրաստ: Չէ որ սերը նաեւ ռիսկ է պահանջում:
- Ես կարծում եմ, որ մեր միանալն արդեն ռիսկային էր, բայց հանուն սիրո... Վահագնը բազմիցս հասկացել ու զգացել է, թե հանուն իրեն, ինչ քայլերի եմ գնացել, իսկ այդ քայլերը եղել նաեւ նաեւ ճակատարգրական: Խոսքը մեծ ուժ ունի, բայց կարեւոր արժեքներն ապացուցելու համար խոսքը շատ քիչ բան է, դա անելու համար պետք են կոնկրետ քայլեր անել: Անհնարին բան սիրո համար չկա:
Պետք է ամեն ինչ անել, որ հին օլիգարխը չփոխարինվի նորով. Ռուբեն Վարդանյան
Գոռ Վարդանյանը փնտրում է «Կոյուղաջուր» թրեյլերի հեղինակին
«Մտածում եմ` ընտանիքս ինչ է քաղում ֆիլմից, հետո ցույց եմ տալիս մնացածին». Գոռ Վարդանյանն` իր սկանդալային ֆիլմերի մասին
Արկադի Վարդանյանի ինքնազգացողությունը վատացել է. նա ուշագնաց է եղել
«Կինը եւ խեր է, եւ շառ, եւ աստվածուհի»․ Նարինեի ցուցահանդեսը / լուսանկարներ
1
2
3
4
5
5
1
3
4
