Սիրանիկայի առաջին տեսահոլովակն ու վտանգավոր արկածները նկարահանումների ժամանակ

Հայաստանյան հարուստ բնություն, աշուն, անտառներ, լեռներ, լավ երաժշտություն եւ կյանքի ամեն պահը վայելելու մեծ ցանկություն՝ այս ամենն է ներկայացված Սիրանիկայի նոր՝ «Enjoy Every Part» երգի տեսահոլովակում: Ի դեմս երգչուհու՝ հայ երգարվեստում հայտնվել է նոր անուն՝ յուրօրինակ ոճով ու կատարմամբ: BRAVO.am-ի հետ զրույցում Սիրանիկան պատմել է, թե ինչպես է 19 տարեկանում առաջին անգամ եկել Հայաստան ու հայերեն գրել-կարդալ սովորել, ինչով է զբաղվել այստեղ 7 տարվա ընթացքում, եւ թե ինչ արկածներով են հագեցած եղել հոլովակի նկարահանումները վայրի բնության մեջ:

Հոլովակի նկարահանումներն ու ադրբեջանական կողմի կրակոցները

Սա իմ առաջին տեսահոլովակն է, եւ ես ուզում էի ցույց տալ Հայաստանի աշունը, շքեղ բնությունը՝ հյուսիսից մինչեւ հարավ: Այդ նպատակով մեր նկարահանող խմբով երեք օր շրջել ենք ողջ Հայաստանում, գտել ամենագեղեցիկ ու տպավորիչ վայրերը: Եղել ենք Իջեւանում, Լաստիվերում, Նորավանքում, Արենիում եւ այլուր: Շատ լավ թիմ էր ձեւավորվել՝ ջերմ, ընկերական ու պրոֆեսիոնալ: Ի դեպ, երբ Տավուշի մարզում էինք եւ դրոնով՝ թռչող տեսախցիկով, նկարահանումներ էինք անում, հանկարծ ադրբեջանական կողմից սկսեցին կրակոցներ հնչել: Մենք մեզ հետ բարձրախոսներ էինք տարել, հարկավոր էր բարձր երաժշտություն միացնել, որի ձայնը հավանաբար լսվել էր իրենց մոտ, սկսել էին օդ կրակել: Իհարկե, չէինք վախենում, շարունակում էինք նկարահանումները, միակ մտածմունքն այն էր, որ դրոնը չվնասեն: Փառք Աստծո, ամեն ինչ լավ ընթացավ, ստացանք այն, ինչ ցանկանում էինք:

մանրամասն՝ կայքում