Ինչպես է պետք երեխայի հետ խոսել սեքսից․ հոգեբանի խորհուրդները

Երեխայի ճիշտ զարգացման հարցում մեծ է ծնողների դերը։ Խոսքը, մասնավորապես, երեխաների հետ տարվող անկեղծ զրույցների մասին է, որոնք կանխարգելիչ միջոց են այն պարագայում, երբ իրենց հետաքրքրող հարցերին սպառիչ պատասխան չստանալու պարագայում երեխաները սկսում են այլընտրանքային աղբյուրներ գտնել այդ հարցերի պատասխանները գտնելու համար, ինչպես, օրինակ, սեքսին վերաբերող հարցերի պարագայում։

Մանկական հոգեբան Օլգա Կրամարևիչը մի քանի կարևոր խորհուրդ է տալիս ծնողներին իրենց երեխաների հետ սեքսից խոսելու կանոնների մասին։

Անհրաժեշտ է երեխաներին միայն ճշմարտությունն ասել՝ խուսափելով հորինված պատմություններից արագիլների կամ կաղամբների մասին։ Երեխայի հետ խոսելիս անհրաժեշտ է վերջինիս հասկանալի բառապաշար օգտագործել (կախված երեխայի տարիքից)։ Օրինակ, ասել «դու ապրել ես մամայի փորիկում» կամ «ես եմ քեզ լույս աշխարհ բերել»։ Երեխայի հետ խոսելիս մի շտապեք առաջինն ամեն ինչ ասել, սպասեք, որպեսզի երեխան ճշտող հարցերը տա։ Իրերը կոչեք իրենց անուններով։ 5 տարեկանից մեծ երեխաների հետ խոսելիս մի կաշկանդվեք կնոջ և տղամարդու սեռական օրգանների անուններն արտաբերելուց։

Երբ դժվարանում եք պատասխանել երեխայի որևէ հարցին, ապա այդպես էլ ասեք իրեն։ Երեխայի հետ խոսելիս պարտադիր շեշտեք, թե նախքան իր լույս աշխարհ գալը որքան շատ են հայրիկն ու մայրիկը սիրել միմյանց և մինչ օրս էլ սիրում են։ Եթե, այնուամենայնիվ, կաշկանդվում եք երեխայի հետ սեքսին առնչվող թեմաներից խոսել, ապա նույն բովանդակությամբ գիրք տվեք, որ վերջինս կարդա կամ միասին կարդացեք այն։

Հիշեք, որ շատ կարևոր է, որ երեխան ձեզանից առաջինը տեղեկանա նման հարցերի մասին, քան ինքնուրույն տեղեկատվություն փնտրի։

Այս թեմայով Բրիտանուհին սեռական հարաբերություններ է ունենում ... Էմիլի Ռատակովսկին պաղպաղակ է ուտում ու մեքենայի մեջ սեքսով զբաղվում (Video) Ինչ հետևանքների կարող է բերել հեշտանքի բացակայությունը ինտիմ հարաբերությունների ժամանակ Ինչպես աղջիկը կարող է ակնթարթորեն գրգռել տղամարդուն․ Տեսանյութ Համակուրսեցիների սեռական սկանդալը ձեզ շոկի կենթարկի. կադրերը համացանցում են. ՏԵՍԱՆՅՈՒԹ