Ինչ փոփոխություն է սպասվում «Արսենալում» «Միլանի» դեմ խաղում

1in.am | Ֆուտբոլի Եվրոպա լիգայի խաղարկության 1/8-րդ եզրափակչի առաջին խաղում վաղը «Սան Սիրո» մարզադաշտում Լոնդոնի «Արսենալը» կմրցի «Միլանի» հետ: Չորս անընդմեջ պարտությունից հետո քչերն են հավատում, որ անգլիական թիմը կկարողանա հաղթանակի հասնել «Միլանի» նկատմամբ:

Նշենք, որ վերջին շրջանում իտալական հանրահայտ ակումբը գերազանց է ելույթ ունենում: Մասնավորապես, վերջին 6 հանդիպումներում «Միլանը» նույնքան հաղթանակ է տարել: Վերջին խաղում «Միլանի» ֆուտբոլիստները Իտալիայի գավաթի խաղարկության շրջանակներում 1:0 հաշվով առավելության են հասել «Լացիոյի» նկատմամբ, իսկ մինչ այդ՝ արդեն Իտալիայի առաջնությունում, հռոմեական դերբիում 2:0 հաշվով հաղթել են «Ռոմային»: Ջենարո Գատուզոյի՝ գլխավոր մարզիչ դառնալուց հետո «Միլանը» կարծես վերածնունդ է ապրում: Վերջին 13 հանդիպումներում «Միլանը» ոչ մի պարտություն չի կրել:

Ի դեպ, 2018 թվականին որևէ թիմի դեռևս չի հաջողվել հաղթել «Միլանին»: Վերջին անգամ Գատուզոյի ֆուտբոլիստները պարտություն են կրել 2017 թվականի դեկտեմբերի 23-ին՝ Ա սերիայի շրջանակներում զիջելով «Ատլանտային»: Վիճակագրական այս տվյալները բավական խոսուն են և վկայում են այն մասին, որ այս դիմակայությունում «Արսենալի» համար, մեղմ ասած, հեշտ չի լինելու:

Առաջիկա խաղում բուքմեյքերները հավանական են համարում «Միլանի» հաղթանակը՝ հանդիպման նման ելքի համար սահմանելով 2.2 գործակից: Ոչ-ոքին գնահատված է 3.3, իսկ «Արսենալի» հաղթանակը՝ 3.4 գործակցով:

«Արսենալի» շատ ֆանատներ «Միլանի» հետ հանդիպմանն ընդառաջ սոցիալական ցանցերում կոչ են անում միահամուռ կերպով երկրպագել իտալական ակումբին, որպեսզի իրենց սիրելի թիմը 5-րդ անընդմեջ պարտությունը կրի: Երկրպագուները հույս ունեն, որ կրկին անգամ խայտառակվելու դեպքում «Արսենալի» սեփականատերերը կսթափվեն և կվռնդեն գլխավոր մարզիչ Արսեն Վենգերին: Ըստ բրիտանական մամուլի՝ Վենգերը նույնիսկ ամռանը մտադիր չէ հեռանալ: Այս մասին Վենգերը հայտնել է մարզչական շտաբի հետ հանդիպմանը՝ հույս հայտնելով, որ ակումբի գլխավոր բաժնետեր Սթեն Քրոուք Ջոշը կաջակցի իրեն:

մանրամասն ՝ կայքում

Այս թեմայով Վենգերն՝ իր հեռանալու մասին Վենգերը հեռացավ Արսեն Վենգերը հորդորել է չանհանգստանալ Գազաեւը՝ Արսեն Վենգերի տկարության մասին Զավեշտալի դրվագ Վենգեր-Մխիթարյան ասուլիսի ժամանակ