«Գերեզմանափորի» հարձակվողը․ ով է Բրիասկոն ու ինչով կարող է օգնել ՀՀ ազգային թիմին

1in.am | Ֆուտբոլի Հայաստանի ազգային հավաքականի գլխավոր մարզիչ Արթուր Պետրոսյանը երեկ հրապարակեց 13 լեգեոներների անունները, որոնք հրավիրվել են մարտին 24-ին և 27-ին կայանալիք Էստոնիայի և Լիտվայի հավաքականների հետ ընկերական հանդիպումներին: Հարձակվողներ Ռուսլան Կորյանը, Արթուր Սարկիսովը և կիսապաշտպան Գոռ Մալաքյանը չեն հրավիրվել, քանի որ գտնվում են ապաքինման փուլում, իսկ Էդգար Մանուչարյանը նոր է ապաքինվել վնասվածքից: Մեկ տարվա ընդմիջումից հետո կրկին ազգային թիմ է հրավիրվել պորտուգալական «Մարիտիմուի» կիսապաշտպան Գևորգ Ղազարյանը: Վերջինս ծանր վնասվածք էր ստացել անցյալ տարվա մարտի 26-ին Երևանում տեղի ունեցած Ղազախստանի հետ հանդիպման ժամանակ:

Պետրոսյանի ցուցակում տեղ է գտել Բուենոս Այրեսի «Ատլետիկո Ուրական» թիմի հարձակվող Նորբերտո Բրիասկոն: Հայկական արմատներ ունեցող այս ֆուտբոլիստը, ում ազգանունը Բելեկյան է, 22 տարեկան է և «Ատլետիկո Ուրականի» ամենահեռանկարային հարձակվողներից մեկն է: Նշենք, որ «Ատլետիկո Ուրականը» Արգենտինայի հայտնի և ավանդույթներով հարուստ ակումբներից մեկն է, որը հիմնվել է 1908 թվականին: Չնայած թիմը միայն մեկ անգամ է դարձել Արգենտինայի չեմպիոն, այդուհանդերձ՝ այս երկրում ունի գերեզմանափորի համբավ: Մասնավորապես, շատ են դեպքերը, երբ «Ուրականը» թույլ չի տվել հայտնի ակումբներին դառնալ երկրի չեմպիոն: «Ուրականի» համար սկզբունքային մրցակից է համարվում «Ռիվեր Փլեյթը»: Վերջինս ևս մի քանի անգամ «Ուրականի» պատճառով չի դարձել Արգենտինայի չեմպիոն: 2014 թվականին «Ուրականը» դարձել է Արգենտինայի գավաթակիր և սուպերգավաթակիր: «Ուրականը» հաջող է ելույթ ունենում նաև Արգենտինայի ընթացիկ առաջնությունում՝ Պրեմիեր դիվիզիոնում: 18-րդ տուրից հետո «Ուրականը» 28 թիմերի պայքարում 8-րդն է: Առաջատարը հեղինակավոր «Բոկա Հունիորսն» է, որը չեմպիոնի կոչման ամենաիրական հավակնորդն է:

մանրամասն՝ կայքում

Այս թեմայով Համացանցում է հայտնվել Մխիթարյանի, Բրիասկոյի և Ղազարյանի առաջին մարզման տեսանյութը «Ողջ ուժերս ներդնելու եմ»․ Բրիասկոն Հայաստանում է / լուսանկարներ, տեսանյութ