Հայ մերկապարուհի Վարդան անկեղծացել է անձնական կյանքի որոշ մութ դրվագներով

Varda-ն  այսօր Ինստագրամի իր էջում ծնողների հետ համատեղ լուսանկար է հրապարակել ու անձնական  բնույթի գրառում կատարել՝ ծնողների ու նրանց հետ ունեցած իր հարաբերությունների մասին:Varda-ն մասնավորապես գրել է.

«Երեկ ամբողջ օրը մայրիկիս հետ եմ անցկացրել, գնացել էինք «Ես նիհարում եմ» ֆիլմը դիտելու: Մեզ շատ դուր եկավ այդ կատակերգությունը: Ըստ սյուժեի`գլխավոր հերոսուհին մեծացել է առանց հոր, որը հոգեբանական հետք է թողել նրա վրա և, որպես արդյունք, բազմաթիվ բարդույթներ…Չէ՞ որ հենց այդպես էլ կա՝ ոչ լիարժեք ընտանիքը լուրջ հետք է թողում երեխայի հետագա կյանքի վրա: Ծնողներս բաժանվել են, երբ ես ընդամենը մեկ տարեկան էի։ Եվ հիշում եմ՝ ինչպես էի բոլոր տոներին հայրիկին սպասում։ Եվ շատ էի հիասթափվում, եթե չէր կարողանում գալ, հիշում եմ, թե որքան ինձ դուր չէին գալիս հորաքույրներս, որոնց մոտ նա ինձ տանում էր…Նա շատ սիրառատ տղամարդ էր, մայրս չկարողացավ դա ընդունել, չնայած նա փորձել էր կոտրել մայրիկին…Երեկ մայրս պատմեց, թե ինչպես է հայրս դավաճանել իրեն իր իսկ ծննդյան օրը, իր իսկ ընկերուհու հետ…Ինչպես նաև, թե ինչպես է մարտի 8-ին, երբ ինձ և մայրիկին դուրս են գրել ծննդատնից, նա գնացել է դա նշելու ու վերադարձել միայն 2 շաբաթ անց…Մայրս նրան շատ բաներ է ներել, բայց արդյունքում մի օր ուղղակի հավաքել է նրա իրերն ու դրել դռան դիմաց…Այդ օրվանից շատ ժամանակ է անցել, մենք դեռ շփվում ենք ու լավ հարաբերությունների մեջ ենք, բայց ամեն անգամ, երբ հայրս տեսնում կամ լսում է մեր մասին, չի կարողանում արցունքները զսպել…Նա շատ բաների համար է զղջում, բայց արդեն ոչինչ հետ բերել հնարավոր չէ։ Ինչու եմ այս ամենը գրում՝ ուզում եմ հիշեցնել, որ ընտանիքը ամենակարևորն է, պահպանեք այն մարդկանց զգացմունքները, որոնք ձեզ սիրում են, ցավ մի պատճառեք նրանց, չէ՞ որ դրա համար ստիպված կլինեք վճարել… Իհարկե, նրանք ոչնչի համար չեն զղջում, չէ՞ որ նրանք ինձ ունեն, բայց մանկության տարիներին ես ՄԵՐ կարիքն ունեի:  P.S. Լուսանկարում ես 24 տարեկան եմ»,-հրապարակման մեջ գրել է պարուհին: