Ջեյմի Կարագերը թքել է MU-ի երկրպագուի և նրա 14-ամյա դստեր վրա (տեսանյութ)

«Լիվերպուլի» նախկին պաշտպան Ջեյմի Կարագերը թքել է «Մանչեսթեր Յունայթեդի» երկրպագուի և նրա 14-ամյա դստեր վրա` վերադառնալով «Օլդ Թրաֆորդում» շաբաթ օրը կայացած խաղից:

Մերսիսայդցիներն ԱՊԼ-ի հերթական տուրում 1:2 հաշվով պարտություն են կրել ՄՅՈւ-ից և բաց թողել մրցաշարային աղյուսակի 2-րդ հորիզոնականը բարձրանալու շանսը:

«Mirror»-ի հաղորդմամբ, ՄՅՈւ-ի երկրպագուն, մարզադաշտից տուն վերադառնալիս, նկատել է, որ ճանապարհի զուգահեռ ուղղությամբ ընթանում է Կարագերի մեքենան: Երկրպագուն գրավել է Ջեյմիի ուշադրությունը և ստիպել է նրան իջեցնել ապակին, ինչից հետո հիշեցրել է խաղի հաշվի մասին:

Երկրպագուն մի քանի անգամ կրկնել է հաշիվը և Կարագերի նյարդերը տեղի են տվել. «Sky Sports»-ի փորձագետը թքել է երկրպագուի ուղղությամբ:

Աղբյուրը նշում է, որ երեկ գիշեր Ջեյմին զանգահարել է այդ մարդուն և նրա դստերը, ովքեր եղել են մեքենայում, և ներողություն է խնդրել:

Այդուհանդերձ, «Sky Sports»-ի պաշտոնական ներկայացուցիչը, որը Կարագերի գործատուն է, նման պահվածքն «անթույլատրելի» է անվանել` խոստանալով զրուցել 40-ամյա անգլիացու հետ:

Այս թեմայով Ֆուտբոլիստը թքել է «Մանչեսթեր Սիթիի» տարբերանշանի վրա․ Տեսանյութ Մոուրինյոն կհեռանա, եթե․․․ «Մանչեսթեր Յունայթեդ»-ն ուլտիմատում է տվել Պոգբային Մոուրինյոն կաշխատի Մարգարիտա Սիմոնյանի հե՞տ «Կարո՞ղ եմ գրկել ձեզ». Մոուրինյոն՝ լրագրողին / տեսանյութ