Թբիլիսիում քրեական հեղինակություն է սպանվել

Վրաստանի մայրաքաղաք Թբիլիսիի կենտրոնում սպանվել է քրեական հեղինակություն Գոգի Խատոեվը:

Rustavi 2 հեռուստաալիքի փոխանցմամբ, 61-ամյա սպանվածին հայտնաբերել են Թբիլիսիի կենտրոնի բնակարաններից մեկում՝ այսօր առավոտյան: Տղամարդուն սպանել են՝ հրազենից կրակոց արձակելով գլխին:

Հեռուստաալիքի տվյալներով, նախկին հայտնի քրեական հեղինակությունը վերջին տարիներին փոխել էր իր ազգանունն ու հանդես էր գալիս որպես Գոգի Ռատիանի:

Նրա սպանության վարկածները տարբեր են, ըստ դրանցից մեկի՝ սպանության շարժառիթը Խատոեվի մեծ պարտքերն են եղել, իսկ ըստ մյուս վարկածի՝ սա վրեժ է եղել նախկինում արված հանցավոր արարքների համար:

Սպանության դեպքով հարուցվել է քրեական գործ՝ կանխամտածված սպանության հոդվածով:

Այս թեմայով Տեսանյութ չափահասների համար․ երիտասարդը փողոցում կրակել է ընկերուհու գլխին ու ինքնասպան եղել Նոր մանրամասներ «Երկրապահ»-ի փոխնախագահի սպանությունից Աղմկահարույց սպանություն Աթենքում Կա վարկած, որ Սվո Ռաֆի որդուն խիստ գաղտնի կերպով են թաղել, և կային պատճառներ (տեսանյութ) Երևան են ժամանել ավելի քան 200 «օրենքով գողեր» և 400 քրեական հեղինակություններ