Արտակարգ դեպք․ 39-ամյա գյուղապետը ծեծի է ենթարկել տարեց անտառապահներին

Մարտի 10-ին վիճաբանություն-ծեծկռտուք է տեղի ունեցել Լոռու մարզում։

Մարտի 10-ին, ժամը 18։00-ի սահմաններում Շնող գյուղի գյուղամիջյան ճանապարհին վիճաբանություն է տեղի ունեցել նույն գյուղի գյուղապետ, նույն գյուղի 4-րդ փողոցի բնակիչ՝ 39-ամյա Դավիթ Ղումաշյանի, նույն գյուղի 7-րդ փողոցի բնակիչ՝ 64-ամյա Գագիկ Սահակյանի և Ախթալա վարչական շրջանի Թումանյան փողոցում հաշվառված, սակայն Շնող գյուղում բնակվող, 64-ամյա Էդվարդ Մելիքսեթյանի միջև։

Shamshyan.com-ի տեղեկություններով՝ միևնույն ժամանակ ոստիկանության Թումանյանի բաժնի համայնքային ոստիկանության բաժանմունքում օպերատիվ տեղեկություններ են ստացվել, որ միաժամանակ նույն գյուղում վիճաբանություն է տեղի ունեցել նաև նույն գյուղի բնակիչներ՝ 40-ամյա Սամվել Մկրտումյանի և 56-ամյա Արթուր Յոլչինյանի միջև։

Վիճաբանությունը կապված է եղել անասնագոմի հետ կապված ինչ-որ խնդրի հետ, և վիճաբանողներից Գ. Սահակյանն ու Է. Մելիքսեթյանն աշխատում են «Լալվար» անտառտնտեսությունում՝ որպես անտառապետեր, որոնց ծեծի է ենթարկել Շնողի գյուղապետ Դ. Ղումաշյանը, իսկ Ս. Մկրտումյանը նույն գյուղի գյուղապետի տեղակալն է, ով էլ ծեծի է ենթարկել Ա. Յոլչինյանին։

Փաստի առթիվ ոստիկանության Թումանյանի բաժնում նյութեր են նախապատրաստվում։

Այս թեմայով «Գողական տղեք ենք, ի՞նչ ձեւով ես մեզ հետ խոսում». մանրամասներ ծեծկռտուքից Համացանցում են հայտնվել շինհրապարակում տեղի ունեցած զանգվածային ծեծկռտուքի կադրերը․ տեսանյութ Գազալցակայանի տարածքում երեք հոգով ծեծել են երիտասարդին, հայհոյանքներ հնչեցրել մոր հասցեին Ծեծկռտուք՝ պատգամավորների մասնակցությամբ (տեսանյութ) Ուսանողների «ռազբորկան» ավարտվել է դաժան սպանությամբ․ տեսանյութ