Ձեր առաջին գիշերը (խորհուրդներ աղջիկներին)

Ծանոթություն, ֆլիրտ, սիրահետում, ժամադրություններ… այսպես են սկսվում կին-տղամարդ գրեթե բոլոր մտերմիկ հարաբերությունները: Աստիճանաբար ավելի մոտիկից եք ճանաչում իրար, ավելի ու ավելի եք դուր գալիս իրար: Օր առ օր մոտենում է ամենասպասված ու հուզիչ պահերից մեկը` առաջին մերձեցումը:

Դուք սիրահարված եք ձեզ համար ամենացանկալի տղամարդուն և ուզում եք, որ «առաջին գիշերը» լինի իդեալական: Ըստ էության` հենց այդ ձգտումն էլ բոլոր կանանց հիմնավոր սխալն է: Իդեալական առաջին մերձեցում կարելի է տեսնել միայն կինոյում. իրական կյանքում դա հազվադեպ երևույթ է և ավելի շուտ` բացառություն: Բայց դա չպետք է լինի մտահոգությունների պատճառ. չէ՞ որ ձեր զուգընկերն էլ կատարյալ չէ, նա էլ սովորական, կենդանի արարած է, ինչպեսև դուք: Երկու սովորական հողեղենների համար անհրաժեշտ է որոշակի ժամանակ, որպեսզի երկուսով հասնեն փոխվստահության այն մակարդակին, առանց որի սեռական կապն անհնար է: Փորձե'ք վերլուծել և կանխել հիմնական «սխալները» առաջին գիշերվա հետ կապված:

Մի՛ վախեցեք հիասթափությունից

Այո՛, առաջին գիշերը կարող է լինել ամենևին ոչ այնքան հրաշալի ու աննկարագրելի, ինչպես պատկերացրել եք ձեր երազանքներում: Հաճախ այդպիսի երազանքները վերածվում են կպչուն մտքերի: Կանայք պատրաստ են քամվել ֆիթնեսի ու շեյփինգի մարզասրահներում, այցելել հատուկ հակաճարպակալման մերսումների, կարևոր «իրադարձությունից» առաջ մարմնի վրա չթողնել ոչ մի ավելորդ մազիկ: Այս ամենը, ինչ խոսք, լավ է ու ճիշտ, բայց շատ ավելի կարևոր է սիրելիի հետ անկողնում լիակատար լիցքաթափվելու կարողությունը: Չէ՞ որ իրականում նա արդեն արժեվորել է ձեր արտաքին հատկանիշները և դժվար թե ծայրահեղ ուշադրությամբ «զննի» ձեր որևէ պեպենը կամ կնճիռը:

Ձեր «առաջին գիշերը» (խորհուրդներ կանանց)
Տղամարդու ուղեղում քիչ չեն մտատանջող հարցերը…

Մարդկության արական կեսի շրջանում չգիտես ինչու տարածված է այն մոլորությունը, որ ինչքան շատ դիրքեր կիրառեն սեռական գործողության ժամանակ, ինչքան ավելի հնարամտություն ցուցաբերեն, այնքան ավելի մեծ հաճույք կստանա կինը: Սակայն հաճախ ստացվում է այնպես, որ տղամարդու բոլոր այդ ձգտումները` ցույց տալու իրեն գերմարդ «տեխնիկական» տեսանկյունից, բերում են նրան, որ սեքսը վերածվում է ավելի շուտ ակրոբատիկակական տանջանքների: Այստեղ կարևոր է չամաչել և չհանդուրժել, եթե դուք հիացած չեք տղամարդու հերթական հնարամատությունից: Նրան հասկացրեք, որ դա ձեզ դուր չի գալիս:

Եվ վերջապես ամենասարսափելին, որ կարող է տեղի ունենալ 1-ին գիշերը. սիրելիի հետ` սեքսուալ ձախողում

Մանրամասները կարող են տարբեր լինել: Հնարավոր է նա այնքան հուզվի, որ էրեկցիա ընդհանրապես տեղի չունենա, կարող է լինել հակառակ տարբերակը. նա «հանգստանա» գրեթե ակնթարթորեն: Եվ 1-ին և 2-րդ դեպքը ուժեղ հուզմունքի արդյունք է: Նման իրավիճակում կինը պետք է լինի որքան հնարավոր է «փափուկ» ու նրբանկատ: Կանանց մնեծամասնության համար դեպքերի նման զարգացումը բնավ այնպիսի համաշխարհային աղետ չէ, ինչպես թվում է տղամարդկանց: Բայց փոքրաթիվ կանայք են կարողանում ցույց տալ դա տղամարդուն, հանգստացնել նրան: Ձախողումից հետո ավելի լավ է մնալ անկողնում, քնքուշ ու նուրբ շոյել իրար, ավելի լավ է չհպվել ուղղակիորեն սեռական օրգաններին` չակնարկելով սեռական հարաբերություն: Ցույց տվեք տղամարդուն, որ պատրաստ եք սպասել, որ չեք ակնկալում այսրոպեական սեռական «սխրանքներ» և որ նա ձեզ դուր է գալիս այնպիսին, ինչպիսին կա:

Հիշեք, սեքսը հաճույք է և ոչ մի դեպքում` սպորտ, մրցություն կամ ռեկորդների գրանցման մրցավազք:

Այս թեմայով Ցանցին էլեկտրաէներգիա վաճառելու նպատակով արևային մարտկոցների տեղադրումը կորցրել է իր իմաստը Տավուշի խնդիրը Հայաստանի խնդիրն է, և այդ խնդրի լուծումը Երևանի կենտրոնում է. Վահե Հովհաննիսյան Բրիտանուհին սեռական հարաբերություններ է ունենում ... Էմիլի Ռատակովսկին պաղպաղակ է ուտում ու մեքենայի մեջ սեքսով զբաղվում (Video) Դա սեր էր առաջին հայացքից»․ Աբրահամ Ռուսսոյի ջերմ համբույրն՝ Անի Երանյանին