Սուրիկ Խաչատրյանի աղջկանից դիմում չեն ստացել․ ուժային կառույցները հերքում են

Սյունիքի նախկին մարզպետ Սուրիկ Խաչատրյանի աղջկանից՝ Սվետլանա Խաչատրյանից Ոստիկանության «6-րդ» վարչություն որևէ դիմում չի ստացվել: Այս մասին Tert.am-ին հայտնել են Ոստիկանության լրատվության ու հասարակայնության հետ կապերի վարչությունից:

Հիշեցնենք, որ Սյունիքի նախկին մարզպետ Սուրիկ Խաչատրյանի պաշտոնանկությունից հետո Սվետլանա Խաչատրյան օգտատերը ֆեյսբուքյան իր էջում գրառում էր կատարել, որում նշել էր, որ «միակ մարզը, որ արժանապատիվ ապրում ու ղեկավարվում էր հենց արժանապատիվ սյունեցու կողմից, մի տգետ, կասկածելի երևանցի են նշանակել, որ էդ սուրբ տարածքն ապականի»:

Սակայն ավելի ուշ Սվետլանան պարզաբանել էր, որ վստահ է, թե այդ ամենը ինչ-որ մարդկանց կողմից միտումնավոր սարքած է, և որ ինքը նման գրառում չի արել:

Հավելվել էր, թե նա դիմելու է Ոստիկանություն և Ազգային անվտանգության ծառայություն:

Ազգային անվտանգության ծառայությունից էլ ԱԱԾ մամուլի քարտուղար Սամսոն Գալստյանը Tert.am–ին տեղեկացրեց, որ Սվետլանա Խաչատրյանը այդ հարցով չի դիմել է նաև ԱԱԾ։