Անսպասելի բացահայտում. ինչ էր եղել կրիտիկական գիշերը

Լրագիր | ՍԴ նախկին նախագահ, ներկայում Բարձրագույն դատական խորհրդի ղեկավար Գագիկ Հարությունյանը մարտի 16-ին լրագրողների հետ ճեպազրույցում անսպասելի բացահայտում է արել: Հարությունյանը խոսելով իշխանության մեջ իր դերակատարության մասին եւ ցույց տալու համար, որ երբեք չի եղել կամակատար, հիշել է Մարտի 1-ից առաջ եղած դեպք:
«Բարդագույն իրավիճակ էր, գիշերը ժամը 2 անց կես ինձ լուր տվեցին, որ պայթյուն է սպասվելու: Ես գնացի, հավաքեցի մարդկանց, սկսեցինք քննարկումները մինչև հաջորդ օրվա ժամը 4-ը: Որևէ արդյունքի չհասանք, իրավիճակն արդեն այնպիսին էր, որ ավտոմատները պատրաստ են, կամուֆլյաժները հագած՝ մարդիկ գնում էին որոշակի գործողությունների, որոնք կարող էին ունենալ շատ ավելի մեծ հետևանքներ: Եվ իմ քննարկումների սկզբունքը հետևյալն էր՝ մեկ կաթիլ արյունն էլ չի կարող արդարացնել ցանկացած նպատակ, և պետության մեջ չպետք է լինի նախադեպ: Երբ արդեն վերջում տեսնում եմ, որ չենք կարողանում կոնֆլիկտը հաղթահարել, ես բավական զայրացած, կյանքում իմ շուրթերից որևէ մեկը հայհոյանք չի լսել, այդտեղ ներկաները լսեցին, ասացի՝ ուրեմն առաջին զոհը ես պետք է լինեմ, եթե դուք գնում եք նման քայլերի: Այդտեղ կոնֆլիկտի ամենազորեղ կողմերից մեկը ձեռքը տանում է գրպանը, ի՞նչ կմտածես, թե ինչ կարող է հանել, և հանկարծ շինելի գրպանից հանում է Սահմանադրությունը: Ես ապշած նայում եմ, բացում է՝ տեսնում եմ կարմիրով նշումներ: Եվ երկու ժամվա ընթացքում մենք կարողացանք լուծումներ գտնել», հայտարարել է Հարությունյանը, ասելով, թե դրանից հետո տարբեր առիթներով իշխանավորները իր հետ չէին խոսում, ամիսներով չեն խոսել:

մանրամասն ՝ կայքում

Այս թեմայով Նիկոլի պատասխանը Քոչարյանին Ինչպես է Ռոբերտ Քոչարյանը ԿԻՆԴԵՐ ձվիկ հավաքում. ԲԱՑԱՌԻԿ ՏԵՍԱՆՅՈՒԹ Ռոբերտ Քոչարյան. «Ո՞վ կարող է ինձ հետ վերջնագրերով խոսել». ՏԵՍԱՆՅՈՒԹ Նախագահը հանդիպել է Սերժ Սարգսյանի և Կարեն Կարապետյանի հետ Փաշինյանը՝ Քոչարյանի վերադարձի մասին