Անդրեն պատմել է, թե ինչը չի սիրում աղջկա մեջ

Երեկ նա շնորհավորեց կանանց եւ աղջիկներին իր նոր՝ «Ծաղիկների աշխարհում» տեսահոլովակով, որը զուգերգ է վրացի երգչուհի Նինի Շերմադինիի հետ: Իսկ այսօր Անդրեն պատասխանել է NEWS.am STYLE-ի հարցերին՝ խոսելով աղջիկների մասին :)

Անդրե, նախընտրում ես շիկահերների՞, թե՞ սեւահերների:

Սեւահերների:

Կինը գրավիչ է, երբ...

Զուսպ է, հետաքրքիր ու խելացի:

Չես սիրում, երբ աղջիկը...

Չեմ սիրում, երբ կինը կամ աղջիկն իրեն պահում է գռեհիկ կամ անում այնպիսի բաներ, որոնք հարիր են տղամարդուն:

Քեզ դուր գալու համար կինը պետք է լինի...

Հմայիչ, կանացի, հետաքրքիր զրուցակից:

Քիմ Քարդաշյա՞ն, թե՞ Մոնիկա Բելուչի:

Երկուսն էլ :)

Ամբոխից կառանձնացնես այն երկրպագուհուն, որը...

Անկեղծ արտահայտում է իր էմոցիաները:

Նախընտրում ես, որ աղջիկը լինի գեղեցի՞կ, թե՞ սեքսուալ:

Կարեւորը չանցնի սահմանն ու չդառնա վուլգար:

Փոքր տարիքում սիրահարված ես եղել…

Երեք տարեկանում սիրարված էի բժշկուհուս :) Նա երիտասարդ, հոգատար գեղեցկուհի էր:

Ո՞ւմ ես մեկամսյակի ընթացքում նվերներ մատուցել/ մատուցելու:

Ամեն տարի անակնկալներ անում եմ ինձ ամենահարազատ կանանց: Այս տարի այնպես ստացվեց, որ Միացյալ Նահանգներում եմ, առայժմ միայն շնորհավորել եմ, իսկ նվերները կլինեն ավելի ուշ :)

Ի՞նչը կփոխեիր հայ աղջիկների մեջ:

Բոլորն էլ գեղեցիկ են յուրովի, պարզապես կցանկանայի, որ հասկանային դա եւ չփորձեին նմանվել մեկը մյուսին, որովհետեւ հայուհիներն, առհասարակ, շատ գեղեցիկ են:

Սյունե Առաքելյան