22-ամյա աղջիկն ապօրինի մտել է ընկերոջ մոր «Ֆեյսբուք»-ի էջ և փոխել գաղտնաբառը. առաջադրվել է մեղադրանք

ՀՀ քննչական կոմիտեի ՀԿԳ քննության գլխավոր վարչությունում քննվող քրեական գործով ձեռնարկված անհրաժեշտ միջոցառումների արդյունքում բացահայտվել են համակարգչային տեղեկատվությանն ապօրինի տիրանալու դեպքի հանգամանքները. մեղադրանք է առաջադրվել 22-ամյա աղջկա: Այս մասին տեղեկացրին ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժնից:

2017թ. հուլիսին Արարատի մարզի բնակչուհուց հաղորդում է ստացվել առ այն, որ այլ անձ մուտք է գործել «ֆեյսբուք» սոցիալական ցանցում գտնվող իր անհատական էջ և փոխել գաղտնաբառը:

Դեպքի առթիվ հարուցված քրեական գործով ձեռնարկված անհրաժեշտ քննչական և դատավարական այլ գործողությունների արդյունքում պարզվել են դեպքի մի շարք հանգամանքներ, ենթադրյալ հանցագործություն կատարած անձի ինքնությունը, ով տուժողի որդու ընկերուհին է՝ ծնված 1996թ.:

Մասնավորապես՝ նախնական քննությամբ փաստական տվյալներ են ձեռք բերվել, որ 22-ամյա աղջիկը մի քանի անգամ ապօրինի մուտք է գործել իր ընկերոջ մոր՝ «ֆեյսբուք» սոցիալական ցանցում գտնվող անհատական էջ և փոխել նշված էջի գաղտնաբառը՝ կնոջը զրկելով այն օգտագործելու հնարավորությունից:

Ձեռք բերված բավարար ապացույցների հիման վրա՝ 22-ամյա աղջկան մեղադրանք է առաջադրվել՝ ՀՀ քրեական օրենսգրքի 254-րդ հոդվածի 1-ին մասի հատկանիշներով, նրա նկատմամբ որպես խափանման միջոց է ընտրվել ստորագրություն չհեռանալու մասին:

Նախաքննությունն ավարտվել է, և քրեական գործը՝ մեղադրական եզրակացությամբ, ուղարկվել է դատարան:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Այս թեմայով Սոցցանցերը սպանում են հարաբերությունները․ 5 ծանրակշիռ պատճառ Ցնցող դեպք․ ամուսինը սիրային նամակներ է ստանում 1 տարի առաջ մահացած կնոջից Գիտնականները հաստատել են, որ սոցցանցերից դուրս գալը մարդուն ավելի երջանիկ է դարձնում Ինչպես են սոցցանցերը ազդում ձեր պահվածքի վրա Ֆեյսբուքը ստուգում է անձնական նամակները