Մասնագետը խոսել է դիմահարդարման, հայաստանցի աղջիկների չափի զգացողության ու այլ հարցերի մասին

Life.panorama.am-ը զրուցել է Make up արտիստ Մերի Մարտիրոսյանի հետ ու տեղեկացել է, թե այս գարնանը ինչ տեսակ դիմահարդարումներն են առավել նորաձեւ եւ թրենդային:

Մերի Մարտիրոսյանը զրույցի սկզբում նշեց, որ իր համար, անկախ նորաձեւության թելադրանքներից, ամենակարեւորը բնական լինելն է:

«Ինձ շատերը գիտեն որպես մեղմ ու նուրբ դիմահարդարող, եւ այդ առումով ես երբեք չեմ փոխվում: Ես միշտ եմ ասում եւ այժմ էլ խորհուրդ կտամ, որ մեր աղջիկներն ու կանայք շատ ժամանակ տրամադրեն դեմքի մշակմանը, ավելի շատ խնամքի վրա շեշտը դնեն: Ես բնական գեղեցկության կողմնակից եմ, իսկ խնամված դեմքով կարելի է բնական գեղեցկությունը ավելի ճիշտ ցույց տալ, այնպես որ, ավելի լավ է մեծ գումարներ ու ժամանակ ծախսել խնամքի, քան դիմահարդարման վրա: Միշտ ասում եմ՝ ավելի լավ է անգամ պլաստիկ միջամտություններով ստանալ բնական գեղեցկություն, քան ծանր դիմահարդարում անել: Չարժե ամեն օր դեմքը ծանրաբեռնել շատ շպարով, կարելի է դա թողնել միայն երեկույթներն, բայց այդ դեպքում էլ երբեք չափը չպետք է չանցնել»,- նշեց նա:

Ի դեպ՝ Մերին խորհուրդ տվեց եղանակային այս պայմաններում ավելի շատ խոնավեցնող քսուկներով դեմքը խնամել, նաեւ անպայման դիմահարդարումից առաջ արեւապաշտպան նյութեր օգտագործել, որը պաշտպանիչ շերտ է հանդիսանում թե արեւից, թե կոսմետիկայից: Դիմահարդարը շեշտեց՝ երեկոյան քնելուց առաջ պարտադիր դեմքը մաքրել շպարից, այս հարցում երբեք չալարել:

Անդրադառնալով գարնանային նորաձեւ դիմահարդարմանը՝ Մերի Մարտիրոսյանը նշեց.

«Այս տարի շատ ակտուալ են վառ գույները: Ստվերաներկեր ընտելիս կարելի է շեշտը դնել կարմիրի երանգների, ծիրանագույնի, նարնջագույնի վրա: Սեվաներկերն այս տարի իրենց դիրքը զիջում են համենայն դեպս իմ դիմահարդարումներում: Ինքս ավելի շատ աշխատում եմ ստվերաներկերով, որոնք համադրելով մուգ գույների հետ՝ շատ հետաքրքիր արդյունք եմ ստանում: Ստվերաներկերի շարքում այս տավա հիթ են համարվում նաեւ տարբեր գույների փայլերը»:

մանրամասն ՝ կայքում

Այս թեմայով Ինչպես 1 րոպեում գեղեցիկ տեսք ունենալ (տեսանյութ) Կարծում եք՝ նրանք անթերի՞ են. իսկ հիմա առանց դիմահարդարման նայեք Հնարքներ, որ պետք կգան բոլոր աղջիկներին (տեսանյութ) Ամռանն ընդառաջ. լողափնյա դիմահարդարում (տեսանյութ) Դիմահարդարման 10 սխալ, որոնց ձեզ տգեղացնում են․ տեսանյութ